ମୁମ୍ବାଇ: ଏଇ ୧୫ ତାରିଖରେ ଇଦ୍ ଅବସରରେ ସୁପରଷ୍ଟାର୍ ସଲମାନ୍ ଖାନ୍ଙ୍କ ଅଭିନୀତ ନୂଆ ସିନେମା ‘ରେସ୍ -୩’ ମୁକ୍ତିଲାଭ କରୁଛି। ଏହି ସିନେମା ରିଲିଜ୍ ହେବା ଆଗରୁ ଏକ ନୂଆ ରେକର୍ଡ କରିଛି। ଏବେ ଜାଣନ୍ତୁ ଏହା କ’ଣ ।
ବଲିଉଡରେ ଚର୍ଚ୍ଚା ଚାଲିଛ ଯେ ସଲମାନ୍ ଖାନ୍ଙ୍କ ‘ରେସ୍-୩’ ଦଙ୍ଗଲର ଏକ ରେକର୍ଡ ଭାଙ୍ଗି ଦେଇଛି। ତାହା ହେଲା ସାଟେଲାଇଟ୍ ରାଇଟ୍ସରୁ ଆୟ। ଶୁଣିବାକୁ ମିଲୁଛି ଯେ ‘ରେସ୍-୩’ର ୧୫୦ କୋଟି ଟଙ୍କାରେ ସାଟେଲାଇଟ୍ ରାଇଟ୍ସ ବିକ୍ରି ହୋଇଛି। ଏହା ହେଉଛି ସବୁଠାରୁ ଅଧିକ। ଏହା ପୂର୍ବରୁ କୌଣସି ବି ହିନ୍ଦୀ ସିନେମାକୁ ୧୫୦ କୋଟି ଟଙ୍କାମିଳି ନ ଥିଲା ରାଇଟ୍ସ ବାବଦରେ। ଏଠାରେ ସୂଚନାଯୋଗ୍ୟ ଯେ ଅମୀର୍ ଖାନଙ୍କ ‘ଦଙ୍ଗଲ’କୁ ମାତ୍ର ୭୫ କୋଟି ଟଙ୍କା ରେ ସାଟେଲାଇଟ୍ ରାଇଟ୍ସ ବିକ୍ରି କରାଯାଇଥିଲା।
ଅର୍ଥାତ୍ ସାଟେଲାଇଟ୍ସ ବିକ୍ରି ମାମଲାରେ ସଲମାନ୍ ଖାନ୍ଙ୍କ ‘ରେସ୍ -୩’ , ଅମୀର ଖାନ୍ଙ୍କ ଦଙ୍ଗଲକୁ ପଛରେ ପକାଇଛି। ଏହା ବି କୁହାଯାଇପାରେ ଯେ ସଲମାନ୍ ଖାନ୍ ଏହି ମାମଲାରେ ଅମୀର ଖାନ୍ଙ୍କୁ ମାତ୍ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
‘ରେସ୍-୩’ର ପ୍ରଯୋଜକ ହେଲେ ରମେଶ ତୌରାନୀ ଓ ସଲମାନ୍ ଖାନ୍ । ଏହାର ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ବଲିଉଡର ଲୋକପ୍ରିୟ ନିର୍ଦ୍ଦେଶକ ରେମୋ ଡିସୁଜା।
‘ରେସ୍-୩’ ରେ ମୁଖ୍ୟ ଭୂମିକାରେ ସଲମାନ୍ ଖାନ୍ , ଜାକ୍ଲିନି ଫର୍ଣ୍ଣାଡିଜ୍, ଅନୀଲ କପୁର, ବବି ଦେଓଲ୍, ଡେଜି ଶାହା ଓ ସାକିବ୍ ସଲିମ ପ୍ରମୁଖ ଅଛନ୍ତି।