କେବିସି ପାଇଁ ଅମିତାଭ ବଢ଼ାଇଲେ ପାରିଶ୍ରମିକ : ପ୍ରତି ଏପିସୋଡ୍କୁ ନେବେ ୩ କୋଟି
ମୁମ୍ବାଇ : ବଲିଉଡ୍ର ବିଗ ବି ଖୁବ୍ ଶୀଘ୍ର ତାଙ୍କର ବହୁଚର୍ଚ୍ଚିତ ଟେଲିଭିଜନ ରିଆଲିଟି ସୋ କୌନ ବନେଗା କୋରଡ଼ପତିରେ ନଜର ଆସିବା ପାଇଁ ଯାଉଛନ୍ତି । ଚଳିତ ବର୍ଷ କେବିସିର ୧୦ ତମ ସଂସ୍କରଣ ଆରମ୍ଭ ହେବାକୁ ଯାଉଥିବା ବେଳେ ସୋ’ର ଉପସ୍ଥାପନ ଦାୟିତ୍ୱରେ ଥିବା ଅମିତାଭ ବଚ୍ଚନ ତାଙ୍କ ପାରିଶ୍ରମିକକୁ ବୃଦ୍ଧି କରାଇ ୩ କୋଟି କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସାଧାରଣ ଲୋକଙ୍କୁ କିଛି ପ୍ରଶ୍ନର ଉତ୍ତର ଦେଇ କୋଟିପତି ହେବାର ସୌଭାଗ୍ୟ ପ୍ରଦାନ କରୁଥିବା ରିଆଲିଟି ସୋ’ କେବିସିର ୧୦ ତମ ସଂସ୍କରଣ ଆରମ୍ଭ ହେବାକୁ ଯାଉଛି। ଏହା ପୂର୍ବ ବର୍ଷ ଭଳି ସୋନି ଟିଭି ରେ ପ୍ରସାରିତ ହେବ । ଏହାର ରେଜିଷ୍ଟ୍ରେସନ୍ ପ୍ରକ୍ରିୟା ଜୁନ୍ ମାସରୁ ଆରମ୍ଭ ହେବାକୁ ଥିବା ବେଳେ ସୋ’ ଅଗଷ୍ଟରେ ଟେଲିଭିଜନ୍ରେ ପ୍ରସାରଣ ହେବାର ସୂଚନା ରହିଛି। ପୂର୍ବ ସୂଚନା ଅନୁଯାୟୀ ଅମିତାଭ କେବିକେର ପୂର୍ବ ସଂସ୍କରଣରେ ଚ୍ୟାନେଲ୍ ସହିତ ୨୦୦କୋଟି ଟଙ୍କାର ଚୁକ୍ତି କରିଥିଲେ । ଯେଉଁଥିରେ କି ସେ ୭୫ଟି ଏପିସୋଡ଼ରେ ଉପସ୍ଥାପନା କରିଥିଲେ । ଏହି ହିସାବରେ ପ୍ରତି ଏପିସୋଡ଼କୁ ତାଙ୍କୁ ୨.୬ କୋଟି ଟଙ୍କା ମିଳିଥିଲା କିନ୍ତୁ ଚଳିତ ବଷ ର୍ ଏହାକୁ ବୃଦ୍ଧି କରି ବିଗ୍ବି ପ୍ରତି ଏପିସୋଡ଼ ଲାଗି ୩ କୋଟି ଟଙ୍କା ଦାବି କରିଛନ୍ତି । ତେବେ ବର୍ତ୍ତମାନ ପର୍ଯ୍ୟନ୍ତ ସୋ’ର କେତୋଟି ଏପିସୋଡ଼ ସୁଟିଂ ହେବ ସେ ନେଇ କିଛି ସୂଚନା ମିଳିନାହିଁ ।