ଡାକ୍ତରଖାନାରୁ ବାହାରି ମୁହିଁ ଖୋଲିଲେ ଅମିତାଭ ବଚ୍ଚନ: କହିଲେ; ସବୁ କଥାର ବ୍ୟବସାୟୀକରଣ କରିବା ଠିକ୍ ନୁହେଁ
ମୁମ୍ବାଇ : ଗତ ମଙ୍ଗଳବାର ବଲିଉଡ୍ର ମହାନାୟକ ଅମିତାଭ ବଚ୍ଚନଙ୍କୁ ମୁମ୍ବାଇର ନାନାବତୀ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଯକୃତ ସମସ୍ୟା ନେଇ ତାଙ୍କୁ ଭର୍ତ୍ତି କରାଯାଇଥିବା ବେଳେ ଏବେ ସେ ସୁସ୍ଥ ହୋଇ ଘରକୁ ଫେରିଥିବା ଜଣା ପଡ଼ିଛି । ଡାକ୍ତରଖାନାରେ ଭର୍ତ୍ତି ହେବା ଖବର ଶୁଣି ତାଙ୍କର ପ୍ରଶଂସକମାନେ ଚିନ୍ତିତ ହୋଇ ପଡ଼ିଥିବା ବେଳେ ଏବେ ତାଙ୍କ ସୁସ୍ଥ ହେବା ଖବର ଶୁଣି ସମସ୍ତେ ଖୁସି ହୋଇଛନ୍ତି । କିନ୍ତୁ ବିଗ୍ ବି ଖୁସି ନଥିବା ଦେଖାଯାଇଛି । ଯାହା ତାଙ୍କ ବ୍ଲଗ୍ରୁ ସ୍ପଷ୍ଟ ଜଣା ପଡ଼ିଛି । ତାଙ୍କ ସ୍ୱାସ୍ଥ୍ୟାବସ୍ଥାକୁ ନେଇ ବିଭିନ୍ନ ଖବରକାଗଜରେ ବିଭିନ୍ନ ପ୍ରକାରର ଖବର ପ୍ରକାଶ ପାଇଥିବାର ଦେଖି ବିଗ୍ ବି ନିରାଶ ହୋଇଛନ୍ତି । କିଛି ଡାକ୍ତରଖାନାରେ ଭର୍ତ୍ତି ହୋଇଥିବା ଖବର ଲେଖିଥିବା ବେଳେ କିଛି ଖବରକାଗଜ ଏହାକୁ ମିଛ ବୋଲି ଲେଖିଥିଲେ ।
Sambad is now on WhatsApp
Join and get latest news updates delivered to you via WhatsApp
ଏହା ଉପରେ ନିଜ ମତ ରଖି ବିଗ୍ ବି ନିଜ ବ୍ଲଗ୍ରେ ଲେଖିଛନ୍ତି କି, ସମସ୍ତଙ୍କୁ ଅନ୍ୟର ବ୍ୟକ୍ତିଗତ କଥାକୁ ସମ୍ମାନ କରିବା ଦରକାର । କାହାର ସ୍ୱାସ୍ଥ୍ୟାବସ୍ଥାକୁ ନେଇ ଏଭଳି ବ୍ୟବସାୟୀକରଣ କରିବା ଠିକ୍ ନୁହେଁ । ଦ୍ୱିତୀୟ ବ୍ଲଗ୍ରେ ସେ ନିଜ ପ୍ରଶଂସକଙ୍କ ଶୁଭେଚ୍ଛା ଓ ଭଲ ପାଇବା ପାଇଁ ସେମାନଙ୍କୁ ଧନ୍ୟବାଦ ଜଣାଇଥିବା ଦେଖାଯାଇଛି ।