ପ୍ରଯୋଜକ-ନିର୍ଦ୍ଦେଶକ ଅମୀୟ ପଟ୍ଟନାୟକଙ୍କ ପରଲୋକରେ ଓଲିଉଡ ସେଲିବ୍ରିଟିଙ୍କ ପ୍ରତିକ୍ରିୟା
ଭୁବନେଶ୍ୱର: ଓଡ଼ିଆ ସିନେଜଗତର ଲୋକପ୍ରିୟ ପ୍ରଯୋଜକ-ନିର୍ଦ୍ଦେଶକ ଅମୀୟ ପଟ୍ଟନାୟକଙ୍କ ପରଲୋକରେ ଅଧିକାଂଶ କଳାକାର ଶୋକାଭିଭୂତ ହୋଇଛନ୍ତି। ସେମାନଙ୍କ ଭିତରୁ କେତେକଙ୍କ ପ୍ରତିକ୍ରିୟା ଏପରି….
Sambad is now on WhatsApp
Join and get latest news updates delivered to you via WhatsApp
ବିଜୟ ମହାନ୍ତି (ଅଭିନେତା-ନିର୍ଦ୍ଦେଶକ): ଅମୀୟ ପଟ୍ଟନାୟକ ଓଡ଼ିଆ ଚଳଚ୍ଚିତ୍ର ଶିଳ୍ପକୁ ସେ ଦିଗ୍ଦର୍ଶନ ଦେଇଥିଲେ। ଓଡ଼ିଶା ସିନେ କଳାକାର ସଂଘର ପ୍ରତିଷ୍ଠା ଦିଗରେ ତାଙ୍କର ଭୂମିକା ଥିଲା ଗୁରୁତ୍ୱପୂର୍ଣ୍ଣ। ସେ ଜଣେ ପରୋପକାରୀ ଥିଲେ।
ମିହିର ଦାସ:(ଅଭିନେତା):ଅମୀୟ ପଟ୍ଟନାୟକଙ୍କ ବିୟୋଗ ଓଡ଼ିଆ ଚଳଚ୍ଚିତ୍ର ଜଗତ ପାଇଁ ଅପୂରଣୀୟ କ୍ଷତି। ତାଙ୍କ ଭଳି ପ୍ରଯୋଜକ ଓଡ଼ିଶାରେ ବିରଳ।
ପ୍ରଣବ ଦାସ (ନିର୍ଦ୍ଦେଶକ) : ଅମୀୟ ପଟ୍ଟନାୟକଙ୍କ ଆକସ୍ମିକ ବିୟୋଗ ମୋ’ ପାଇଁ ଏକ ଶକ୍ତ ଧକ୍କା। ମୁଁ ତ ବିଶ୍ୱାସ କରିପାରୁନି,ଅମୀୟ ଆଉ ନାହାନ୍ତି।
ଅଶ୍ରୁମୋଚନ(ଅଭିନେତା):ଗାଆଁ ଲୋକ ହିସାବରେ ମୁଁ ତାଙ୍କୁ ବୁଲୁ ଭାଇ ବୋଲି ଡାକେ। ବୁଲୁ ଭାଇଙ୍କ ଭଳି ପ୍ରଯୋଜକ ଆଉ ମିଳିବେନି।
ରାଇମୋହନ (ଅଭିନେତା): ଅମୀୟ ପଟ୍ଟନାୟକ ଅନେକ ନୂଆ କଳାକାରଙ୍କୁ ସୃଷ୍ଟି କରିଛନ୍ତି। ସେ ଜଣେ ଦିଲ୍ ଖୋଲା ମଣିଷ ଥିଲେ। ତାଙ୍କର ଆକସ୍ମିକ ବିୟୋଗ କେବଳ ନାଟକ ଏବଂ ସିନେମା ନୁହେଁ , ବରଂ ଏହା ସଂପୂର୍ଣ୍ଣ ମନୋରଞ୍ଜନ ଜଗତପାଇଁ ଏକ ବଡ଼ କ୍ଷତି।