ସୋସିଆଲ ମିଡ଼ିଆରେ ଫଟୋ ପୋଷ୍ଟ କରି ଟ୍ରୋଲ ହେଲେ ଅନିଲ କପୁର, ଆଉ କେହି ନୁହେଁ ତାଙ୍କ ଝିଅ କଲେ ଟ୍ରୋଲ, ଜାଣନ୍ତୁ ଏହା ପଛର କାରଣ…
ମୁମ୍ବାଇ: ଆଜିକାଲି ସୋସିଆଲ ମିଡ଼ିଆରେ କଳାକାରମାନଙ୍କୁ ଟ୍ରୋଲ କରାଯିବା କିଛି ନୂଆ କଥା ନୁହଁ । ପ୍ରତିଦିନ କେହି ନା କେହି କିଛି କଳାକାରମାନଙ୍କ ଫଟୋ ଉପରେ ଖରାପ ମନ୍ତବ୍ୟ ଦେଇ ସେମାନଙ୍କୁ ଟ୍ରୋଲ କରିଥାନ୍ତି । ଏବେ ସେହି ଲିଷ୍ଟରେ ସାମିଲ ହୋଇଛନ୍ତି ବଲିଉଡ଼୍ର ଚିରସବୁଜ କଳାକାର ଅନିଲ କପୁର । ଇନ୍ଷ୍ଟାଗ୍ରାମରେ ଅନିଲ କପୁର ନିଜର ଏକ ଫଟୋ ଅପ୍ଲୋଡ଼ କରିଥିବା ବେଳେ ସଙ୍ଗେ ସଙ୍ଗେ ତାଙ୍କୁ ଟ୍ରୋଲ କରାଯାଇଥିଲା । ଆଉ କେହି ନୂହେଁ ବରଂ ତାଙ୍କ ଝିଅ ରିୟା କପୁର ତାଙ୍କୁ ଟ୍ରୋଲ କରିଥିଲେ । ବାପା ତମେ ଅଧିକ କରିବାର ପରିଭାଷା ଅଟ ବୋଲି ଲେଖି ଅନିଲଙ୍କୁ ଟ୍ରୋଲ କରିଥିଲେ ରିୟା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅନିଲ କପୁରଙ୍କ ସ୍ତ୍ରୀ ୧୦ ଦିନ ଅଷ୍ଟ୍ରିଆରେ ରହି ଫେରୁଥିବା ବେଳେ ଅନିଲ ତାଙ୍କୁ ମନେ ପକାଇ ଇନ୍ଷ୍ଟାରେ ଫଟୋ ପୋଷ୍ଟ କରି ମୁଁ ମୋ ଧର୍ମପତ୍ନୀଙ୍କୁ ମେସେଜ କରୁଥିଲି । ୧୦ଦିନ ପରେ ସେ ଅଷ୍ଟ୍ରିଆରୁ ଫେରୁଛନ୍ତି । ମୁଁ କହି ପାରିବିନି ଏହି ୧୦ଦିନ ମୋ ପାଇଁ କଷ୍ଟଦାୟକ ଥିଲା ବୋଲି ଲେଖିଥିଲେ । ଏହି ପୋଷ୍ଟ ଦେଖିବା ପରେ ପ୍ରଥମେ ରିୟା କପୁର ଡ଼ାଡ଼୍, ୟୁ ଆର୍ ଦ ଡ଼େଫିନେସନ୍ ଅଫ୍ ଏକ୍ସଟ୍ରା (ବାପା ତମେ ଅଧିକ କରିବାର ପରିଭାଷା ଅଟ) ବୋଲି ଲେଖିଥିଲେ ।
ରିୟାଙ୍କ ପରେ ପରେ ପରିବାରର ନୂଆ ସଦସ୍ୟ ଆନନ୍ଦ ଆହୁଜା ମଧ୍ୟ କମେଣ୍ଟ କରିଥିଲେ ।