କରଣଙ୍କ ସୋ’ରେ ଦେଖାଦେବେ ନାହିଁ ବିରାଟ ଏବଂ ଅନୁଷ୍କା
ମୁମ୍ବାଇ : ବି-ଟାଉନର ବହୁଚର୍ଚ୍ଚିତ ବିବାହ ମଧ୍ୟରୁ ଗୋଟିଏ ଥିଲା ନାୟିକା ଅନୁଷ୍କା ଶର୍ମା ଏବଂ କ୍ରିକେଟ ତାରକା ବିରାଟ କୋହଲିଙ୍କ ବିବାହ । ଡିସେମ୍ବର ମାସରେ ବିବାହ ଶେଷ ହୋଇଥିଲେ ମଧ୍ୟ ବର୍ତ୍ତମାନ ପର୍ଯ୍ୟନ୍ତ ଏହା ଚର୍ଚ୍ଚାରେ ରହିଛି। ତେବେ ବିବାହ ପରେ ଏକା ସାଙ୍ଗରେ କରଣ ଜୋହରଙ୍କ ବହୁଚର୍ଚ୍ଚିତ ସୋ ‘କଫି ଉଇଥ କରଣ’ରେ ଦୁହେଁ ଦେଖେଦେବେ ବେଲି ଚର୍ଚ୍ଚା ଚାଲିଥିଲା । ତେବେ ଏ ନେଇ ଦର୍ଶକମାନେ ମଧ୍ୟ ଉତ୍ସାହିତ ଥିଲେ । ତେବେ ଖବରଟି ମିଥ୍ୟା ବୋଲି ଅନୁଷ୍କାଙ୍କର ମୁଖପାତ୍ର ଏକ ସମ୍ବାଦିକ ସମ୍ମିଳନୀରେ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ପ୍ରକୃତରେ କଥା କ’ଣ କି ନିକଟରେ କରଣ ଜୋହରଙ୍କ ବହୁଚର୍ଚ୍ଚିତ ଟକ ସୋ ‘କଫି ଉଇଥ କରଣ’ର ୬ଷ୍ଠ ସଂସ୍କରଣ ଆସିବା ପାଇଁ ଯାଉଛି । ଏହାର ପ୍ରାରମ୍ଭିକ ଏପିସୋଡ଼ରେ ଅନୁଷ୍କା ତାଙ୍କର ଅଗାମୀ ଚଳଚ୍ଚିତ୍ର ‘ପରୀ’ର ପ୍ରୋମସନ ପାଇଁ ବିରାଟଙ୍କ ସହ ଆସିବାର ଖବର ରହିଥିଲା । ତେବେ ଏହା ଏକ ମିଥ୍ୟ ଖବର ବୋଲି ନିକଟରେ ପ୍ରକାଶ କରିଛନ୍ତି ଅନୁଷ୍କାଙ୍କର ମୁଖପାତ୍ର ।
“ଏହି ଖବରରେ କିଛି ମଧ୍ୟ ସତ୍ୟତା ରହିନାହିଁ । ଅନୁଷ୍କା ଏବଂ ବିରାଟ କରଣଙ୍କ ସୋ’ରେ ନଜର ଆସିବେ ନାହିଁ । ମୁଁ ଆପଣମାନଙ୍କୁ ଅନୁରୋଧ କରୁଛି ଏପରି ମିଥ୍ୟ କଥା ଉପରେ ବିଶ୍ୱାସ କରନ୍ତୁ ନାହିଁ ।” ଏପରି କହିଛନ୍ତି ଅନୁଷ୍କା ଶର୍ମାଙ୍କ ମୁଖପାତ୍ର । ପ୍ରକୃତରେ ବର୍ତ୍ତମାନ ଅନୁଷ୍କା ତାଙ୍କର ଆଗାମୀ ଚଳଚ୍ଚିତ୍ର ‘ପରୀ’ର ସୁଟିଙ୍ଗ ଏବଂ ପ୍ରମୋସନରେ ବ୍ୟସ୍ତ ଥିବା ବେଳେ ସାଉଥ ଆଫ୍ରିକାରେ ଟୁର୍ଣ୍ଣାମେଣ୍ଟରେ ବ୍ୟସ୍ତ ଅଛନ୍ତି ବିରାଟ କୋହଲି ।