‘ଜିରୋ’ର ଟ୍ରେଲରର ଚାହିଦା ଦେଖି ବଦଳିଲା ହଲିଉଡ୍ ଫିଲ୍ମ ‘ଏକ୍ୱାମ୍ୟାନ୍’ର ରିଲିଜ୍ ତାରିଖ
ମୁମ୍ବାଇ : ଫିଲ୍ମର ଟ୍ରେଲର ରିଲିଜ୍ ପରେ ଚର୍ଚ୍ଚାରେ ରହିଛି ବଲିଉଡ୍ର କିଙ୍ଗ ଖାନ୍ଙ୍କ ଫିଲ୍ମ ‘ଜିରୋ’ । ଏହି ଫିଲ୍ମରେ ମୁଖ୍ୟ ଭୂମିକାରେ ଶାହାରୁଖ୍ ଖାନ୍,ଅନୁଷ୍କା ଶର୍ମା ଏବଂ କ୍ୟାଟ୍ରିନା କୈଫ୍ ନଜର ଆସିଥିବା ବେଳେ ୩ ଜଣଙ୍କ ଚରିତ୍ର ସମସ୍ତଙ୍କୁ ପସନ୍ଦ ଆସିଛି । ରିଲିଜ୍ ପୂର୍ବରୁ ଫିଲ୍ମକୁ ନେଇ ହେଉଥିବା ଚର୍ଚ୍ଚାକୁ ଦେଖି ଏକ ହଲିଉଡ୍ ଫିଲ୍ମର ରିଲିଜ୍ ତାରିଖକୁ ବଦଳାଇ ଦିଆଯାଇଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ହଲିଉଡ୍ ଫିଲ୍ମ ‘ଏକ୍ୱାମ୍ୟାନ୍’ ଫିଲ୍ମ ‘ଜିରୋ’ ସହ ରିଲିଜ୍ ହେବାକୁ ଥିବା ବେଳେ ଏବେ ତାହା ହେବ ନାହିଁ ବୋଲି ସୂଚନା ମିଳିଛି । ପୂର୍ବରୁ ଫିଲ୍ମଟି ଡ଼ିସେମ୍ବର ୨୧ରେ ରିଲିଜ୍ ହେବାକୁ ଥିବା ବେଳେ ଏବେ ଏହା ଡ଼ିସେମ୍ବର ୧୪ରେ ରିଲିଜ୍ କରାଯିବ । ଏଥିରୁ ଶାହାରୁଖ୍ଙ୍କ ଫିଲ୍ମ ‘ଜିରୋ’ କେତେ ବଡ଼ ହିଟ୍ ହେବାକୁ ଯାଉଛି ତାହା ଲୋକମାନେ କହିବା ଆରମ୍ଭ କରିଛନ୍ତି । ଅନ୍ୟ ପକ୍ଷରେ, ‘ଏକ୍ୱାମ୍ୟାନ୍’ ଭାରତରେ ହିନ୍ଦୀ,ତାମିଲ,ତେଲୁଗୁ ଭାଷାରେ ରିଲିଜ୍ କରାଯିବ ବୋଲି ଜଣାପଡ଼ିଛି ।