ପୁଣି ଥରେ ବାପା ହେଲେ ଅର୍ଜୁନ ରାମପାଲ, ଶିଶୁପୁତ୍ରକୁ ଜନ୍ମ ଦେଲେ ପ୍ରେମିକା ଗାବ୍ରିଏଲା
ମୁମ୍ବାଇ : ଗୁରୁବାର ସକାଳ ସମୟରେ ବଲିଉଡ୍ ଅଭିନେତା ଅର୍ଜୁନ ରାମପାଲଙ୍କ ପ୍ରେମିକା ଗାବ୍ରିଏଲା ଏକ ଶିଶୁପୁତ୍ରକୁ ଜନ୍ମ ଦେଇଛନ୍ତି । ସାଉଥ୍ ଆଫ୍ରିକାନ ମଡେଲ ଗାବ୍ରିଏଲା ମୁମ୍ବାଇର ହିନ୍ଦୁଜା ଡାକ୍ତରଖାନାରେ ଶିଶୁକୁ ଜନ୍ମ ଦେଇଛନ୍ତି । ବୁଧବାର ତାଙ୍କ ପେଟରେ ପ୍ରସବ ଯନ୍ତ୍ରଣା ହେବାରୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଏହା ପରେ ଗୁରୁବାର ତାଙ୍କର ପ୍ରସବ କରାଯାଇଥିଲା । ଅର୍ଜୁନଙ୍କ ସହ ତାଙ୍କର ଦୁଇ ଝିଅ ମଧ୍ୟ ଡାକ୍ତରଖାନାରେ ରହି ଗାବ୍ରିଏଲାଙ୍କ ଦେଖାଶୁଣା କରୁଥିବା ଦେଖା ଯାଇଛି । ତେବେ ଅର୍ଜୁନଙ୍କୁ ଏଭଳି ଖୁସି ଖବର ମିଳିବା ପରେ ଚାରିଆଡ଼ୁ ତାଙ୍କୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ୨୦୧୮ରେ ନିଜ ପ୍ରଥମ ପତ୍ନୀ ମେହେର ଜେସିୟାଙ୍କ ସହ ୨୦ବର୍ଷର ବିବାହ ଭାଙ୍ଗି ତାଙ୍କଠାରୁ ଅଲଗା ହୋଇ ଯାଇଥିଲେ ଅର୍ଜୁନ । ଏହା ପରେ ସେ ଗାବ୍ରିଏଲାଙ୍କୁ ଡେଟ୍ କରିବା ଆରମ୍ଭ କରିଥିଲେ । ଜଣେ ବନ୍ଧୁଙ୍କ ଜରିଆରେ ସେ ଗାବ୍ରିଏଲାଙ୍କୁ ଭେଟିଥିବା ବେଳେ ଦୁହିଁଙ୍କ ମଧ୍ୟରେ ପ୍ରେମ ହୋଇଥିଲା । ପ୍ରେମ ହେବାର ବର୍ଷକ ମଧ୍ୟରେ ଗାବ୍ରିଏଲା ଏବେ ଅର୍ଜୁନଙ୍କ ପିଲାର ମା’ ବନିଛନ୍ତି । ଦୁହେଁ ଏ ପର୍ଯ୍ୟନ୍ତ ବିବାହ କରି ନଥିବା ଜଣା ପଡ଼ିଛି ।