‘ବିଙ୍ଗ୍ ହ୍ୟୁମନ୍’ର ସିଇଓଙ୍କ ଉପରେ ମାଡ଼ ମାରିବା ଅଭିଯୋଗ ଆଣିଲେ ମଡେଲ ଆଣ୍ଡ୍ରିଆ, ଗୋଟେ କାନରେ ଶୁଣିବାକୁ ହେଲେ ଅକ୍ଷମ
ମୁମ୍ବାଇ : ବଲିଉଡ୍ର ଦବଙ୍ଗ ଖାନ୍ ସଲମାନଙ୍କ ପରିଚ୍ଛଦ ବ୍ରାଣ୍ଡ ବିଙ୍ଗ୍ ହ୍ୟୁମନ୍ର ସିଇଓଙ୍କ ଉପରେ ଜଣେ ମଡେଲ ଗମ୍ଭୀର ଆରୋପ ଲଗାଇଛନ୍ତି । ମଡେଲ ଆଣ୍ଡ୍ରିଆ ଡି’ସୁଜା ‘ବିଙ୍ଗ୍ ହ୍ୟୁମନ୍’ର ସିଇଓ ମନୀଷ ମନ୍ଧାନାଙ୍କ ଉପରେ ମାର୍ ପିଟ୍ କରିବାର ଅଭିଯୋଗ ଲଗାଇବା ସହ ଏହି ଘଟଣା ପରେ ସେ ଗୋଟେ କାନରେ ଶୁଣି ପାରୁ ନଥିବା ଅଭିଯୋଗ କରିଛନ୍ତି । ଆଣ୍ଡ୍ରିଆ ଅଭିଯୋଗ କରିବା ପରେ ଧାରା ୩୨୫ଅନୁଯାୟୀ ମନୀଷ ମନ୍ଧାନାଙ୍କ ବିରୋଧରେ ମାମଲା ରୁଜୁ କରିଛି ଗାମଦେବୀ ପୁଲିସ ।
Sambad is now on WhatsApp
Join and get latest news updates delivered to you via WhatsApp
ଆଣ୍ଡ୍ରିଆଙ୍କ ଅଭିଯୋଗ ଅନୁଯାୟୀ, ୨୦୧୫ରେ ଦୁବାଇରେ ‘ବିଙ୍ଗ୍ ହ୍ୟୁମନ୍’ର ଷ୍ଟୋର ଲଞ୍ଚ ସମୟରେ ସେ ମନୀଷ ମନ୍ଧାନାଙ୍କ ସଂପର୍କରେ ଆସିଥିଲେ । ଧୀରେ ଧୀରେ ଦୁହେଁ କଥା ହେବା ଆରମ୍ଭ କରିବା ସହ ମନୀଷ ମନ୍ଧାନା ଆଣ୍ଡ୍ରିଆଙ୍କୁ ବିବାହ କରିବା ନେଇ ପ୍ରତିଶ୍ରୁତି ଦେଇଥିଲେ । ମନୀଷ ବିବାହିତ ହୋଇଥିଲେ ମଧ୍ୟ ମୁଁ ମୋ ପତ୍ନୀଙ୍କଠାରୁ ଖୁବ୍ ଶୀଘ୍ର ଛାଡ଼ପତ୍ର ନେଉଛି । ମୋ ପତ୍ନୀ ଏବଂ ପିଲାମାନେ ଅଲଗା ରହୁଛନ୍ତି ବୋଲି ମନୀଷ ଆଣ୍ଡ୍ରିଆଙ୍କୁ ମିଛ କହିଥିଲେ । ୨୦୧୭ରେ ଆଣ୍ଡ୍ରିଆଙ୍କ ସାମ୍ନାକୁ ମନୀଷଙ୍କ ଅସଲ ଚେହେରା ଆସିଥିଲା । କେବଳ ଆଣ୍ଡ୍ରିଆ ନୁହନ୍ତି ଏମିତି ଅନେକ ଝିଅଙ୍କ ସହ ମନୀଷ ସଂପର୍କ ରଖିଥିବା ଜାଣି ସେ ଏ ନେଇ ମନୀଷଙ୍କୁ ପଚାରିଥିଲେ । ମନୀଷ ପ୍ରଶ୍ନର ଉତ୍ତର ଦେବା ପରିବର୍ତ୍ତେ ଆଣ୍ଡ୍ରିଆଙ୍କୁ ମାଡ଼ ମାରିବା ଆରମ୍ଭ କରି ଦେଇଥିଲେ ।
ମନୀଷଙ୍କ ମାଡ଼ରେ ଆଣ୍ଡ୍ରିଆଙ୍କ ଆହତ ହୋଇ ଯାଇଥିବାରୁ ସେ ବିଗ୍ ବସ୍ର ଅଡିସନ୍ ମଧ୍ୟ ଦେବାକୁ ଯାଇ ପାରି ନଥିଲେ । ଏହାର ୬ମାସ ପରେ ଆଣ୍ଡ୍ରିଆଙ୍କ କାନକୁ ଶୁଭିବା ବନ୍ଦ ହୋଇ ଯାଇଥିଲା । ଗଭୀର ଆଘାତ ଲାଗି ତାଙ୍କ ଡ଼ାହାଣ କାନ ଖରାପ ହୋଇ ଯାଇଥିବା ଡ଼ାକ୍ତର ଜଣାଇବା ପରେ ଆଣ୍ଡ୍ରିଆ ଏବେ ପୁଲିସରେ ଅଭିଯୋଗ କରିଛନ୍ତି ।