ଭୁବନେଶ୍ୱର: ଏ ବର୍ଷ ଜଣେ ବଙ୍ଗୀୟ ନାୟିକାଙ୍କୁ ପରଦାରେ ଦେଖିବାକୁ ମିଳିବ ବୋଲି ଆଶା କରାଯାଉଥିଲା ହେଲେ ତାହା ହେଲା ନାହିଁ ,କାରଣ ତାଙ୍କ ଅଭିନୀତ ପ୍ରଥମ ଓଡ଼ିଆ ସିନେମା ୨୦୧୭ରେ ରିଲିଜ୍ ହେଲା ନାହିଁ। ସେ ପ୍ରଥମେ ଓଡ଼ିଶା ଆସିଥିଲେ ନିର୍ଦେଶକ ଅମୀୟ ସ୍ୱାଇଁଙ୍କ ‘ଏ ମନ ଖୋଜେ ତତେ’ରେ ନାୟିକା ଭୂମିକାରେ ଅଭିନୟ କରିବାକୁ। ସେ ଫିଲ୍ମଟି ମହୁରତ ପରେ ବନ୍ଦ ହୋଇଗଲା, ହେଲେ ଏହି ବଙ୍ଗୀୟ ନାୟିକାଙ୍କୁ ମିଳିଗଲା ଆଉ ଏକ ଓଡ଼ିଆ ସିନେମା। ଏହି ସିନେମା ହେଲା ‘ ବାଜି ବାଜି ବାବାଜି ’।
Sambad is now on WhatsApp
Join and get latest news updates delivered to you via WhatsApp
ସଂଗ୍ରାମ ମହାନ୍ତି ନିର୍ଦେଶନାରେ ନିର୍ମିତ ଏହି ଫିଲ୍ମରେ ନାୟିକା ଭୂମିକା ନିଭାଇଥିବା ଅଭିନେତ୍ରୀ ଜଣକ ହେଲେ ରତସୀ ଦତ୍ତ। ତାଙ୍କୁ ‘ ବାଜି ବାଜି ବାବାଜି ’ରେ ଜଣେ ମେଡିକାଲ୍ ଛାତ୍ରୀ ଚରିତ୍ରରେ ଦେଖିବାକୁ ପାଇବେ ଦର୍ଶକ। ଏହି ଫିଲ୍ମରେ ନିଜର ଭୂମିକାକୁ ନେଇ ବେଶ୍ ଉତ୍ସାହିତ ଥିବା ରତସୀ କହନ୍ତି, ‘ ମିଟୁ ମିଥୁନ ଦା’ ଯେତେବେଳେ ଏହି ଫିଲ୍ମର ଅଫର୍ ଦେଲେ, ସେତେବେଳେ ମୁଁ ଖୁସୀ ହୋଇଥିଲି, ଆଉ ଏଥିରେ ମୁଁ ମନପସନ୍ଦ ଚରିତ୍ରଟିଏ ପାଇଛି।‘ ବାଜି ବାଜି ବାବାଜି ’ର ରିଲିଜକୁ ମୁଁ ଅପେକ୍ଷା କରିଛି।’ ଏହି ଓଡ଼ିଆ ସିନେମାରେ ଦିବଙ୍ଗତ ଅଭିନେତା ମୀନକେତନ ନଜର ଆସିବେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ। ଏହା ଛଡ଼ା ମିଟୁ ମିଥୁନ, ଓ ରକ୍ ପାତ୍ର ଏହି ସିନେମାର ମୁଖ୍ୟ କଳାକାର। ଟି ସୌରୀ ଏଥିରେ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି।