ଏହି କାରଣ ପାଇଁ ୫୦ଲକ୍ଷରୁ ବଢ଼ି ୧କୋଟି ହେଲା ବିଗ୍ ବସ୍ର ପୁରସ୍କାର ରାଶି
ମୁମ୍ବାଇ : କିଛି ଦିନ ପରେ ଆରମ୍ଭ ହେବାକୁ ଯାଉଛି ଛୋଟ ପରଦାର ସବୁଠାରୁ ଲୋକପ୍ରିୟ ରିୟାଲିଟି ସୋ’ ବିଗ୍ ବସ୍ । ଦର୍ଶକେ ନିଜ ନିଜ ପସନ୍ଦର ସେଲିବ୍ରିଟିମାନଙ୍କୁ ଦେଖିବା ପାଇଁ ଅନାଇ ବସିଛନ୍ତି । ବିଗ୍ ବସ୍ ଘରକୁ ଯିବା ପରେ ସେଠାରେ ହେଉଥିବା ଡ୍ରାମା, ଝଗଡ଼ା ଓ ପ୍ରେମ ସୋ’ର ଟିଆର୍ପିକୁ ବଢ଼ାଇଥାଏ । ପ୍ରତି ବର୍ଷ ସୋ’ର ନିର୍ମାତା କିଛି ଭିନ୍ନ କରିବା ପାଇଁ ଚିନ୍ତା କରିଥାନ୍ତି । ଗତ ଦୁଇ ବର୍ଷରେ ବିଗ୍ ବସ୍କୁ ଆସିବା ପାଇଁ ସାଧାରଣ ଲୋକମାନଙ୍କୁ ସୁଯୋଗ ମିଳୁଥିବା ବେଳେ ଚଳିତ ବର୍ଷ ବିଗ୍ ବସ୍ରେ କେବଳ ସେଲିବ୍ରିଟିମାନଙ୍କୁ ଦେଖିବେ ଦର୍ଶକେ । ଚଳିତ ବର୍ଷ ବିଗ୍ ବସ୍ର ସୁଟିଂ ଗୁଡ଼୍ଗାଓଁରେ ହେବ ବୋଲି ଜଣା ପଡ଼ିଛି । ଏହା ସହ ସୋ’ର ବିଜେତାଙ୍କୁ ମିଳୁଥିବା ପୁରସ୍କାର ରାଶିକୁ ମଧ୍ୟ ବଢ଼ାଯାଇଥିବା ଜଣା ପଡ଼ିଛି । ପୂର୍ବରୁ ବିଜେତାଙ୍କୁ ୫୦ଲକ୍ଷ ଟଙ୍କା ମିଳୁଥିବା ବେଳେ ଚଳିତ ବର୍ଷ ହେବାକୁ ଥିବା ବିଜେତାଙ୍କୁ ୧କୋଟି ଟଙ୍କା ମିଳିବି ।
Sambad is now on WhatsApp
Join and get latest news updates delivered to you via WhatsApp
ତେବେ ସେଲିବ୍ରିଟିମାନେ ସୋ’କୁ ଆସିବା ପାଇଁ ଇଚ୍ଛା ପ୍ରକାଶ କରୁ ନଥିବାରୁ ସୋ’ର ନିର୍ମାତା ଏଭଳି ବାଟ ଆପଣାଇଥିବା ଜଣା ପଡ଼ିଛି । ଏହା ସହ ଚଳିତ ବର୍ଷ ବିଗ୍ ବସ୍ର ପ୍ରସାରଣ ସମୟ ମଧ୍ୟ ପରିବର୍ତ୍ତନ କରାଯାଇଛି । ପୂର୍ବରୁ ରାତି ୯ଟାରେ ବିଗ୍ ବସ୍ର ପ୍ରସାରଣ ହେଉଥିବା ବେଳେ ଏବେ ବିଗ୍ ବସ୍ର ପ୍ରସାରଣ ରାତି ୧୦ଟାରୁ ଆରମ୍ଭ ହେବ । ସେପ୍ଟେମ୍ବର ୨୯ରୁ ସୋ’ ଆରମ୍ଭ ହେବ ବୋଲି ସୂଚନା ମିଳିଛି ।