ସାମ୍ନାକୁ ଆସିଲା ଫିଲ୍ମ ‘୮୩’ର ପ୍ରଥମ ପୋଷ୍ଟର, ରଣବୀରଙ୍କ ରୂପ ଦେଖି ଆଶ୍ଚର୍ଯ୍ୟ ହେଲେ ଦର୍ଶକ
ମୁମ୍ବାଇ : ବଲିଉଡ୍ ଅଭିନେତା ରଣବୀର ସିଂହ ନିଜ ଜନ୍ମଦିନ ଅବସରରେ ଆଗାମୀ ଫିଲ୍ମ ‘୮୩’ରେ ଥିବା ନିଜ ଲୁକ୍କୁ ସେୟାର କରିଛନ୍ତି । ଏହି ଫିଲ୍ମରେ ସେ ପୂର୍ବତନ କ୍ରିକେଟର କପିଲ ଦେବଙ୍କ ଚରିତ୍ରରେ ନଜର ଆସିବେ । ଫିଲ୍ମର ପ୍ରଥମ ପୋଷ୍ଟରରେ ରଣବୀରଙ୍କୁ କପିଲ ଦେବଙ୍କ ଅବତାରରେ ଦେଖି ତାଙ୍କ ପ୍ରଶଂସକ ଫିଲ୍ମକୁ ନେଇ ଅଧିକ ଉତ୍ସାହିତ ହୋଇ ଯାଇଥିବା ଦେଖା ଯାଇଛି । ଏହା ସହ ରଣବୀରଙ୍କ ଲୁକ୍କୁ ନେଇ ଏବେ ଚର୍ଚ୍ଚା ଆରମ୍ଭ ହୋଇ ଯାଇଛି ।
Sambad is now on WhatsApp
Join and get latest news updates delivered to you via WhatsApp
ଏହା ପରେ ଅନେକ ବଲିଉଡ୍ କଳାକାର ରଣବୀରଙ୍କୁ ଜନ୍ମଦିନର ଶୁଭେଚ୍ଛା ଜଣାଇବା ସହ ଲୁକ୍କୁ ପ୍ରଶଂସା କରିଥିବା ଦେଖା ଯାଇଛି । ରଣବୀରଙ୍କ ଫଟୋ ଦେଖି କ୍ରିକେଟର ଶିଖର ଧଓ୍ଵନ ମଧ୍ୟ ପ୍ରଶଂସା କରି, ରଣବୀର ପୂରା ପାଜି କପିଲ ଦେବଙ୍କ ଭଳି ଲାଗୁଥିବା ଲେଖିଛନ୍ତି ।
ସୂଚନା ମୁତାବକ, ୧୯୮୩ରେ ହୋଇଥିବା କ୍ରିକେଟ ବିଶ୍ୱକପ ଏବଂ ସେଥିରେ ଭାରତର ଐତିହାସିକ ବିଜୟକୁ ନେଇ ଫିଲ୍ମ ୮୩ନିର୍ମାଣ କରାଯାଉଛି । ଏହି ଫିଲ୍ମରେ ରଣବୀରଙ୍କ ସହ ତାଙ୍କ ପତ୍ନୀ ଅଭିନେତ୍ରୀ ଦୀପିକା ପାଦୁକୋନ ମଧ୍ୟ ନଜର ଆସିବେ । ସେ ଏଥିରେ କପିଲ ଦେବଙ୍କ ପତ୍ନୀଙ୍କ ଚରିତ୍ରରେ ନଜର ଆସିବେ ବୋଲି ଜଣା ପଡ଼ିଛି ।