ଶ୍ରୀଦେବୀଙ୍କ ଟ୍ରିବ୍ୟୁଟ୍ ଭିଡିଓକୁ ନିଜର ବୋଲି କହୁଥିବା ମହିଳାଙ୍କୁ ଉଚିତ୍ ଜବାବ ଦେଲେ ସ୍ୱାମୀ ବୋନି କପୁର
ମୁମ୍ବାଇ : ଆଇଫା ଆଓ୍ଵାର୍ଡ଼ ୨୦୧୮ରେ ଶ୍ରୀଦେବୀଙ୍କୁ ଶ୍ରଦ୍ଧାଞ୍ଜଳି ଦେବା ପାଇଁ ତାଙ୍କର କିଛି ସ୍ମରଣୀୟ ମୂହୁର୍ତ୍ତର ଭିଡ଼ିଓକୁ ବ୍ୟବହାର କରାଯାଇଥିଲା । ଏହି ଭିଡ଼ିଓ ପ୍ରସାର ହେବା ପରେ ଶ୍ରୀଦେବୀଙ୍କ ଜଣେ ପ୍ରଶଂସକ ପ୍ରସାର ହୋଇଥିବା ଭିଡ଼ିଓଟି ତାଙ୍କର ବୋଲି କହିଥିଲେ । ଏହା ସହ ଇଭେଣ୍ଟର ଆୟୋଜକମାନେ ତାଙ୍କ ବିନା ଅନୁମତିରେ ସେ ଭିଡ଼ିକୁ ପ୍ରସାର କରିଥିବା ସେ ଅଭିଯୋଗ କରିଥିଲେ । କିଛି ଦିନ ଧରି ଏ ନେଇ ଚର୍ଚ୍ଚା ଲାଗି ରହିଥିବା ବେଳେ ଏ ନେଇ ବିସ୍ତାର ଭାବେ ସୂଚନା ଦେଇ ଶ୍ରୀଦେବୀଙ୍କ ଏହି ପ୍ରଶଂସକଙ୍କୁ ଉଚିତ୍ ଜବାବ୍ ଦେଇଛନ୍ତି ବୋନି କପୁର ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଶ୍ରୀଦେବୀଙ୍କ ପ୍ରଶଂସକ ଶବା ଅରିଫ୍ ଜୁଲାଇ ୩୦ରେ ଫେସ୍ବୁକ୍ରେ ଏକ ପୋଷ୍ଟ କରିଥିଲେ, ଯେଉଁଥିରେ ସେ ଲେଖିଥିଲେ, “ମୁଁ ଗତକାଲି ଟିଭିରେ ଆଇଫା ଆଓ୍ଵାର୍ଡ଼ ଦେଖୁଥିଲି । ଏଥିିରେ ଶ୍ରୀଦେବୀଙ୍କୁ ଶ୍ରଦ୍ଧାଞ୍ଜଳି ଦିଆଯିବାର ଏକ ଭିଡ଼ିଓ ପ୍ରଦର୍ଶିତ ହୋଇଥିଲା । ଭିଡ଼ିଓଟି ଦେଖିବା ପରେ ତାହା ମୁଁ ତିଆରି କରିଥିବା ଭିଡ଼ିଓ ବୋଲି ଜାଣି ପାରିଥିଲି । ଏହି ଭିଡ଼ିଓ ମୁଁ ମୋ ଚ୍ୟାନେଲ Kaleidoscopiaରେ ମାର୍ଚ୍ଚ ୨୫,୨୦୧୮ରେ ପୋଷ୍ଟ କରିଥିଲି । ଇଭେଣ୍ଟରେ ମୁଁ ତିଆରି କରିଥିବା ଭିଡ଼ିଓ ଦେଖା ଯାଇଥିବା ବେଳେ ଏ ନେଇ ମୋ ଠାରୁ ଅନୁମତି ନିଆ ଯାଇ ନଥିଲା।” ।
ଏଥିସହ ସବା ସେ ଭିଡ଼ିଓର ଲିଙ୍କ ମଧ୍ୟ ସେୟାର କରିଥିବା ଦେଖା ଯାଇଥିଲା । ସବାଙ୍କ ଏହି ଅରୋପକୁ ମିଛ ବୋଲି କହି ଭିଡ଼ିଓରେ ଦେଖା ଯାଇଥିବା ଦୃଶ୍ୟଗୁଡ଼ିକ ମୋର ଏବଂ ୟଶରାଜ ଫିଲ୍ମର କିଛି ଦୃଶ୍ୟ ବୋଲି ବୋନି କପୁର କହିଛନ୍ତି । ବୋନି କପୁର କହିଛନ୍ତି, “ଫିଲ୍ମ ଆମର ମାନେ ଆମର ଅଧିକାର ରହିଛି କି ଆମେ ତାକୁ ଯେଉଁଠି ଯେମିତି ବ୍ୟବହାର କରି ପାରିବୁ । ଏହି ଭିଡ଼ିଓକୁ ଦେଖି ମୁଁ ହିଁ ପ୍ରଦର୍ଶନ ପାଇଁ ଆଇଫାକୁ ଅନୁମତି ଦେଇଥିଲି । ସବା ଏହାକୁ ନିଜର ଭିଡ଼ିଓ କିପରି କହୁଛନ୍ତି । ଯଦି ଏହି ଭିଡ଼ିଓକୁ ନେଇ ତାଙ୍କର କିଛି ଅସୁବିଧା ରହିଛି ତେବେ ସେ ଆରୋପ ଲଗାଇବା ପରିବର୍ତ୍ତେ ମୋତେ ଆସି ଦେଖା କରିବା ଦରକାର।”