ନିର୍ଦ୍ଦେଶକ ଅନୁରାଗ କାଶ୍ୟପଙ୍କ ପରିଚୟ ଦେଇ ମାସେ ପର୍ଯ୍ୟନ୍ତ ଅଭିନେତ୍ରୀ ରୁହି ସିଂହଙ୍କ ସହ ହେଉଥିଲା କଥା, ଚାଟ୍ରେ ଅଶ୍ଲୀଳ କଥା ହେବା ପରେ ସାମ୍ନାକୁ ଆସିଲା ସତ
ମୁମ୍ବାଇ: ବଲିଉଡ୍ର ଜଣାଶୁଣା ନିର୍ଦ୍ଦେଶକ ଅନୁରାଗ କଶ୍ୟପଙ୍କ ପରିଚୟ ଦେଇ ଜଣେ ଯୁବକ ଅଭିନେତ୍ରୀ ରୁହି ସିଂହଙ୍କ ସହ ମାସେ ପର୍ଯ୍ୟନ୍ତ କଥା ହେଉଥିବା ଖବର ଏବେ ଚର୍ଚ୍ଚାର ବିଷୟ ପାଲଟିଛି । ଫିଲ୍ମ କ୍ୟାଲେଣ୍ଡର ଗର୍ଲ ଏବଂ ଇସ୍କ ଫର୍ଏଭରରେ ଅଭିନୟ କରିଥିବା ରୁହିଙ୍କ ସହ ଅଭିଯୁକ୍ତ ଜଣଙ୍କ ଅନୁରାଗ କଶ୍ୟପଙ୍କ ପରିଚୟ ଦେଇ କଥା ହେବା ସହ କିଛି ଦିନ ପରେ ଅଶ୍ଲୀଳ ଭାଷା ପ୍ରୟୋଗ କରି କଥା ହେବା ଆରମ୍ଭ କରିଥିଲେ । ପ୍ରଥମେ ରୁହି କେହି ଜଣେ ପ୍ରଶଂସକ ତାଙ୍କୁ ବିବାହ କରିବା ଆଶାରେ ଏଭଳି ମେସେଜ କରୁଥିବା ନେଇ ଭାବି ଥିବା ବେଳେ ପରେ ଯୁବକଜଣଙ୍କ ରୁହିଙ୍କୁ ଜୀବନରୁ ମାରିଦେବାର ଧମକ ଦେଇଥିଲେ । ଯାହା ପରେ ରୁହି ଏବେ ପୁଲିସରେ ଅଭିଯୋଗ କରିଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଯୁବକଜଣଙ୍କ ନିଜକୁ ଅନୁରାଗ ବୋଲି କହି ମେସେଜ କରିବା ପରେ ରୁହି ବ୍ୟକ୍ତିଗତ ଭାବରେ ଅନୁରାଗ କଶ୍ୟପଙ୍କୁ ଦେଖା କରି ମେସେଜ ପଠାଇବା ନେଇ ପଚାରିଥିଲେ । ଅନୁରାଗ ଏ ନେଇ ମନା କରି ଦେବା ପରେ କେହି ଜଣେ ପ୍ରଶଂସକ ହୋଇଥିବ ବୋଲି ଭାବି ରୁହି କଥା ହେବା ବନ୍ଦ କରିବା ସହ ନମ୍ବର ବ୍ଲକ୍ କରି ଦେଇଥିଲେ । କିନ୍ତୁ ଅଭିଯୁକ୍ତ ଅଲଗା ଅଲଗା ନମ୍ବର ବ୍ୟବହାର କରି ମେସେଜ କରି ଚାଲିଥିଲେ । କିଛି ଦିନ ପରେ ଅଭିଯୁକ୍ତ ରୁହିଙ୍କୁ ଜୀବନରୁ ମାରିବାର ଧମକ ଦେବା ପରେ ସେ ଏବେ ଗୁରୁଗ୍ରାମ୍ ପୁଲିସ ଷ୍ଟେସନରେ ଅଭିଯୋଗ କରିଛନ୍ତି ।