ଓଡ଼ିଆ ସିନେମା ‘ଲଭ୍ ୟୁ ପ୍ରିୟା’କୁ ‘ୟୁ’ ସେନସର୍ ପ୍ରମାଣପତ୍ର
ସୋହମ ଓ ମହିମାଙ୍କ ଯୋଡ଼ିକୁ ନେଇ ଚର୍ଚ୍ଚା
ଭୁବନେଶ୍ବର: ଜୟ ସେନଙ୍କ ପ୍ରଯୋଜିତ ତଥା ଜେଏଚ୍ ଟିଭି ବ୍ୟାନରରେ ପ୍ରସ୍ତୁତ ନୂଆ ଓଡ଼ିଆ ସିନେମା ‘ଲଭ୍ ୟୁ ପ୍ରିୟା’କୁ ‘ୟୁ’ ସେନସର୍ ପ୍ରମାଣପତ୍ର ମିଳିଥିବା ଜଣାଯାଇଛି। ଏହି ସିନେମାରେ ସୋହମ ସିଂ ନାୟକ ଓ ମହିମା ନାୟିକା ଭୂମିକାରେ ଅଛନ୍ତି। ଲଭ୍ ୟୁ ପ୍ରିୟା’ର ଅନ୍ୟାନ୍ୟ ଗୁରୁତ୍ବପୂର୍ଣ୍ଣ ଚରିତ୍ରରେ ଜୀବନ ପଣ୍ଡା, ଟୁନା ଟନ୍ ଟନ୍, ମିତା ଚକ୍ରବର୍ତ୍ତୀ, ପ୍ରୀତିରାଜ, ଗୁଡ୍ଡୁ, ପୁଷ୍ପା ପଣ୍ଡା, ରାଜା, ଏବଂ ନିକି ପ୍ରମୁଖ ଅଭିନୟ କରିଛନ୍ତି।ଏହି ଫିଲ୍ମର କାହାଣୀ ଓ ସଂଳାପ ଲେଖିଛନ୍ତି ଆଶୁତୋଷ ବାରିକ। ଏହାର ନିର୍ଦ୍ଦେଶକ ହେଲେ ବିବେକ କୁମାର।
Sambad is now on WhatsApp
Join and get latest news updates delivered to you via WhatsApp
ଏବେ ଏହି ନୂଆ ଯୋଡ଼ିଙ୍କୁ ନେଇ ଓଲିଉଡରେ ଜୋରଦାର ଚର୍ଚ୍ଚା ଚାଲିଛି। ଏହାର ଦୁଇଟି ଦିଗ ରହିଛି। ଏଥିମଧ୍ୟରୁ ଗୋଟିଏ କଥା ହେଲା ଯେ ଆଜିକାଲି ଏହି ଯୋଡ଼ିଙ୍କର ଫଟୋ ସୋସିଆଲ ମିଡିଆରେ ଦେଖିବାକୁ ମିଳୁଛି। ଆଉ ଗୋଟିଏ କଥା ହେଲା ଏହି ଯୋଡ଼ିଙ୍କର ନୂଆ ସିନେମାର ସେନସର୍ ସରିଛି।
ସୋହମ ସିଂ ଓ ମହିମା ‘ଲଭ୍ ୟୁ ପ୍ରିୟା’ରେ ଏକ ଜବରଦସ୍ତ କିସ୍ ସିନ୍ ଦେଇଥିବା କୁହାଯାଉଛି। ଏହା ସିନେମାକୁ ଅଧିକ ଚର୍ଚ୍ଚାରେ ରଖିପାରେ ବୋଲି କୁହାଯାଉଛି।
ସୂଚନାଯୋଗ୍ୟ, ସୋହମ ସିଂଙ୍କୁ ଆଗରୁ ‘ଅଜାତଶତ୍ରୁ’ ଏବଂ ମହିମାଙ୍କୁ ‘ଚାଲ ଟିକେ ଦୁଷ୍ଟ ହେବା’ ସିନେମାରେ ଦେଖିବାକୁ ମିଳିଛି।
ଶୁଣିବାକୁ ମିଳୁଛି ଯେ ସୋହମ ଓ ମହିମାଙ୍କ ଏହି କିସ୍ ସିନ୍ ଦେଖି ଦର୍ଶକ ବାୟା ହୋଇଯିବେ। ଦେଖାଯାଉ କେତେ ଦୂର ଏହା ସତ ହେଉଛି।