ଦର୍ଶକଙ୍କୁ ପସନ୍ଦ ଆସୁଛି ଫିଲ୍ମ ‘ଛିଛୋରେ’
ମୁମ୍ବାଇ: ଦର୍ଶକଙ୍କ ଭଲପାଇବା ସାଉଁଟିବାରେ ଲାଗିଛି ଫିଲ୍ମ ଛିଛୋରେ | ଗତ ଶୁକ୍ରବାର ଏହି ଫିଲ୍ମ ରିଲିଜ ହୋଇଥିବାବେଳେ ବର୍ତ୍ତମାନ ସୁଦ୍ଧା ଫିଲ୍ମଟି ୪୪ କୋଟି ଟଙ୍କା ଇନକମ କରିସାରିଲାଣି | କମେଡି-ଇମୋସନାଲ କାହାଣୀ ଥିବା ଏହି ଫିଲ୍ମରେ ମୁଖ୍ୟ ଭୂମିକାରେ କେଦାରନାଥ ଫେମ ସୁଶାନ୍ତ ସିଂ ରାଜପୁତଙ୍କ ସହ ଶ୍ରଦ୍ଧାଙ୍କୁ ଦେଖିବାକୁ ମିଳିଥିଲା | ଫିଲ୍ମର ନିର୍ଦ୍ଦେଶନା ‘ଦଙ୍ଗଲ’ ନିର୍ଦ୍ଦେଶକ ନୀତେଶ ତିୱାରୀ ଦେଇଥିବାବେଳେ ଫିଲ୍ମରେ ସୁଶାନ୍ତ-ଶ୍ରଦ୍ଧାଙ୍କ ବ୍ୟତୀତ ବରୁଣ ଶର୍ମା, ନବୀନ ସେଟ୍ଟୀ, ସହର୍ଷ କୁମାର ପ୍ରମୁଖଙ୍କୁ ଦେଖିବାକୁ ମିଳିଛି |
Sambad is now on WhatsApp
Join and get latest news updates delivered to you via WhatsApp
ଫିଲ୍ମର କାହାଣୀ ମୁତାବକ ଏହା ଜଣେ ଇଂଜିନିୟରିଂ ଛାତ୍ରଙ୍କ ଉପରେ ପର୍ଯ୍ୟବେସିତ ହୋଇଛି | ଏହି ଛାତ୍ର ଜଣକ ପାଠପଢା ଅପେକ୍ଷା ଝିଅଙ୍କୁ ନେଇ ନିଜ ଧ୍ୟାନ କେନ୍ଦ୍ରୀଭୂତ କରୁଥିବାର ଦେଖିବାକୁ ମିଳିଛି | ଫିଲ୍ମଟି ଇଂଜିନିୟରିଂ କଲେଜରେ ସୁଟିଂ ହୋଇଥିବାବେଳେ ସଜିଦ ନଦିଆବାଲା ଏହାର ନିର୍ଦ୍ଦେଶନା ଦେଇଛନ୍ତି |
ଶୁକ୍ରବାର ଦିନ ଫିଲ୍ମଟି ୭ କୋଟି ୩୨ ଲକ୍ଷ ଟଙ୍କା ଆୟ କରିଥିବାବେଳେ ଶନିବାର ଦିନ ଫିଲ୍ମଟି ୧୨ କୋଟି ଟଙ୍କା ଆୟ କରିଥିଲା | ସେହିପରି ରବିବାର ଦିନ ଫିଲ୍ମଟି ୧୬ କୋଟି ଟଙ୍କା ଆୟ କରିଥିଲା | କିନ୍ତୁ ସୋମବାର ଦିନ ଏହି ଫିଲ୍ମଟି ରେକର୍ଡ କରିଛି | ରିଲିଜ ଦିନଠାରୁ ଅଧିକ ଆୟ କରିଥିଲା ଛିଛୋରେ | ମୁଖ୍ୟତଃ ରିଲିଜ ଦିନ ପରଠାରୁ ଫିଲ୍ମର ଆୟ କମିବାରେ ଲାଗିଥାଏ, କିନ୍ତୁ ସୋମବାର ଫିଲ୍ମ ୮ କୋଟି ଟଙ୍କା ଆୟ କରିଛି |