ରିଲିଜ୍ ହେଲା ବହୁ ପ୍ରତୀକ୍ଷିତ ଫିଲ୍ମ ‘ଦବଙ୍ଗ-୩’ର ଟ୍ରେଲର : ଦମଦାର କମେଡି ଓ ଆକ୍ସନ ସହ ଭିନ୍ନ କାହାଣୀକୁ ନେଇ ନଜର ଆସିଲେ ସଲମାନ
ମୁମ୍ବାଇ : ରିଲିଜ୍ ହେଲା ବହୁ ପ୍ରତୀକ୍ଷିତ ଫିଲ୍ମ ‘ଦବଙ୍ଗ-୩’ର ଟ୍ରେଲର । କିଛି ଦିନ ପୂର୍ବରୁ ଏହି ଫିଲ୍ମକୁ ନେଇ ଚର୍ଚ୍ଚା ଲାଗି ରହିଥିବା ବେଳେ ଏବେ ସବୁ ଚର୍ଚ୍ଚାର ଅବସାନ ଘଟିଛି । ଫିଲ୍ମର ପୂର୍ବ ଦୁଇ ଭାଗରେ କେବଳ ସୋନାକ୍ଷୀଙ୍କ ସହ ସଲମାନ ଖାନ୍ଙ୍କୁ ରୋମାନ୍ସ କରୁଥିବାର ଦେଖାଯାଇଥିବା ବେଳେ ‘ଦବଙ୍ଗ-୩’ରେ ସୋନାକ୍ଷୀଙ୍କ ସହ ଆଉ ଜଣେ ଅଭିନେତ୍ରୀଙ୍କ ସହ ସ୍କ୍ରିନ୍ ସେୟାର କରିବେ ସଲମାନ । ନବାଗତା ସାଇ ମଞ୍ଜ୍ରେକର ଏହି ଫିଲ୍ମ ଜରିଆରେ ବଲିଉଡ୍ରେ ଡେବ୍ୟୁ କରିଥିବା ବେଳେ ତାଙ୍କୁ ଫିଲ୍ମରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ପାଇବେ ଦର୍ଶକ ।
Sambad is now on WhatsApp
Join and get latest news updates delivered to you via WhatsApp
ରିଲିଜ୍ ହୋଇଥିବା ଟ୍ରେଲରରେ ସଲମାନଙ୍କ ଦବଙ୍ଗ ଏଣ୍ଟ୍ରି ହେଉଥିବା ବେଳେ ପ୍ରଥମେ ସେ ନିଜ ସହ ନିଜ ପତ୍ନୀ ରଜ୍ଜୋ ଓରଫ ସୋନାକ୍ଷୀ ସିହ୍ନାଙ୍କୁ ସମସ୍ତଙ୍କ ସହ ପରିଚୟ କରାଉଛନ୍ତି । ଏହା ପରେ ସେ ଜଣେ ସାଧାରଣ ମଣିଷରୁ ଦବଙ୍ଗ କାହିଁକି ପାଲଟିଲେ, ସେ କାହାଣୀ କହିବା ଆରମ୍ଭ କରୁଛନ୍ତି । ଟ୍ରେଲରକୁ ନିଜ ଟୁଇଟ୍ର ଆକାଉଣ୍ଟରେ ସେୟାର କରି ସେ ଲେଖିଛନ୍ତି, ଆପଣଙ୍କ ବ୍ୟସ୍ତବହୁଳ ଜୀବନରୁ ସମୟ ବାହାର କରି ଏହି ୩ମିନିଟ୍ର ଟ୍ରେଲର ଦେଖନ୍ତୁ । ତେବେ ଟ୍ରେଲର ରିଲିଜ୍ ହେବାର କିଛି ଘଣ୍ଟା ମଧ୍ୟରେ ହିଁ ଏହା ଲୋକପ୍ରିୟ ହେବାରେ ଲାଗିଛି।