‘ଦଙ୍ଗଲ୍’ ଗାର୍ଲ ସାନ୍ୟାଙ୍କ ସହ ରୋମାନ୍ସ କରିବେ ଆୟୁଷ୍ମାନ୍
ମୁମ୍ବାଇ: ପ୍ରଥମ ଥର ପାଇଁ ଦଙ୍ଗଲ ଫିଲ୍ମ ମାଧ୍ୟମରେ ବଲିଉଡ଼ରେ ନିଜର ଅଭିନୟ ଯାତ୍ରା ଆରମ୍ଭ କରିଥିବା ସାନ୍ୟା ଏବେ ପୁଣି ବଧାଇ ଦେବାକୁ ଆସୁଛନ୍ତି । ଆପଣ ଭାବୁଥିବେ ସେ କାହାକୁ ବଧାଇ ଦେବେ । ତେବେ ୨୦୧୮ରେ ରିଲିଜ୍ ହେବାକୁ ଥିବା ଫିଲ୍ମ ‘ବଧାଇ ହୋ’ରେ ତାଙ୍କୁ ମୁଖ୍ୟ ଭୁମିକାରେ ଦେଖିବାକୁ ମିଳିବ । ଏଥିରେ ସେ ଅଭିନେତା ଆୟୁଷ୍ମାନ୍ ଖୁରାନାଙ୍କ ସହ ରୋମାନ୍ସ କରିବେ ବୋଲି ଜଣାପଡ଼ିଛି । କିଛି ଦିନ ପୂର୍ବରୁ ରିଲିଜ୍ ହୋଇଥିବା ଫିଲ୍ମ ‘ବରେଲିକି ବର୍ଫି’ ଏବଂ ‘ଶୁଭ୍ ମଙ୍ଗଲ ସାବଧାନ’ର ସଫଳତା ପାଇଁ ଆୟୁଷ୍ମାନ୍’ ଏବେ ଚର୍ଚ୍ଚରେ ଅଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏହି ଫିଲ୍ମର ନିର୍ଦ୍ଦେଶକ ଅଛନ୍ତି ଅମିତ୍ ଶର୍ମା, ଯିଏକି ଫିଲ୍ମ ‘ତେଓ୍ଵର’ ଜରିଆରେ ବଲିଉଡରେ ନିଜର କ୍ୟାରିୟର ଆରମ୍ଭ କରିଥିଲେ । “ଫିଲ୍ମକୁ ନେଇ ମୁଁ ବହୁତ ଆଶା ରଖିଛି । ମୁଁ ଭାବୁଛି ଫିଲ୍ମଟି ଦେଖିବା ପରେ ସମସ୍ତେ ମତେ ବଧାଇ ହୋ ନିଶ୍ଚୟ କହିବେ” ବୋଲି କହିଛନ୍ତି ନିର୍ଦ୍ଦେଶକ ଅମିତ୍ ଶର୍ମା ।
ଅନ୍ୟପକ୍ଷରେ ଆୟୁଷ୍ମାନ କହିଛନ୍ତି, “ମୁଁ ପ୍ରଯୋଜନା ସଂସ୍ଥା ଜଙ୍ଗଲ ପିକ୍ଚର ସହ ବରେଲିକି ବର୍ଫିରେ କାମ କରିଥିଲି । ପୁଣି ଥରେ ସେମାନଙ୍କ ସହ କାମ କରିବା ମୋ ପାଇଁ ଖୁସିର କଥା।” ‘ବଧାଇ ହୋ’ର କେ-ପ୍ରଡ୍ୟୁସର ପ୍ରୀତି କହନ୍ତି, “ଆୟୁଷଙ୍କ ସହ କରିଥିବା ବରେଲି କି ବର୍ଫିକୁ ଦର୍ଶକ ବହୁତ ପସନ୍ଦ କରିଥିଲେ । ପୁଣି ଥରେ ବଧାଇ ହୋରେ ତାଙ୍କ ସହ କାମ କରିବାକୁ ଯାଉଛୁ। ଆଶା କରୁଛି ଏହା ଦର୍ଶକଙ୍କ ମନୋରଞ୍ଜନ କରିବା ସହ ସେମାନଙ୍କୁ ଖୁସି କରିବ।”
ଏ ସଂପର୍କରେ ସାନ୍ୟାଙ୍କ ମତ ମିଳି ପାରି ନାହିଁ । ଦଙ୍ଗଲରେ ତାଙ୍କର ଚମତ୍କାର ଅଭିନୟ ଦେଖିବା ପରେ ଦର୍ଶକ ସାନ୍ୟାଙ୍କୁ ପୁଣି ଥରେ ପରଦା ଉପରେ ନିହାତି ଭାବରେ ଦେଖିବାକୁ ଚାହୁଁଥିବେ ।