ଶ୍ରୀଦେବୀଙ୍କୁ ମନେ ପକାଇ ଭାବୁକ ହେଲେ ଧର୍ମେନ୍ଦ୍ର, କହିଲେ ବହୁତ କମ ବୟସରେ ଚାଲିଗଲେ
ମୁମ୍ବାଇ: ଆସନ୍ତାକାଲି (ସୋମବାର) ବଲିଉଡ୍ର ପ୍ରଥମ ମହିଳା ସୁପରଷ୍ଟାର ଶ୍ରୀଦେବୀଙ୍କ ୫୫ତମ ଜନ୍ମଦିନ । ଆଜି ସେ ଦୁନିଆରେ ନଥିଲେ ମଧ୍ୟ ତାଙ୍କ ଜନ୍ମଦିନ ପାଇଁ ପୁଣି ଥରେ ତାଙ୍କୁ ପ୍ରଶଂସକମାନେ ମନେ ପକାଇଛନ୍ତି । ତାଙ୍କ ମୃତ୍ୟୁକୁ କିଛି ମାସ ବିତି ଯାଇଥିଲେ ମଧ୍ୟ ତାଙ୍କ ଜନ୍ମଦିନ ଥିବାରୁ ସମସ୍ତଙ୍କ ଦୁଃଖ ଏବେ ଦୁଇଗୁଣ ହୋଇ ଯାଇଛି । ଏ ମଧ୍ୟରେ ନିଜର ଆଗାମୀ ଫିଲ୍ମ ‘ୟମଲା ପଗ୍ଲା ଦିଓ୍ଵାନା : ଫିର୍ ସେ’ର ଟ୍ରେଲର ଲଞ୍ଚ କରିବା ସମୟରେ ବଲିଉଡ୍ର ଲୋକପ୍ରିୟ ଅଭିନେତା ଧର୍ମେନ୍ଦ୍ର ଶ୍ରୀଦେବୀଙ୍କୁ ମନେ ପକାଇ ଭାବୁକ ହୋଇଥିବା ଦେଖିବାକୁ ମିଳିଥିଲା ।
Sambad is now on WhatsApp
Join and get latest news updates delivered to you via WhatsApp
ଶ୍ରୀଦେବୀଙ୍କ କଥା ଉଠିବା ପରେ ସେ ଭାବୁକ ହେବା ସହ ଖୁବ୍ କମ ବୟସରେ ସେ ଆମ ସମସ୍ତଙ୍କୁ ଛାଡ଼ି ଚାଲିଗଲେ ବୋଲି କହିଥିଲେ । ‘ମୁଁ ଶ୍ରୀଦେବୀଙ୍କ ସହ ଫିଲ୍ମ ନାକାବନ୍ଦିରେ କାମ କରିଥିଲି । ସୁଟିଂ ସମୟରେ ସେ ନିଜ ଘରୁ ଖାଇବା ରୋଷଇ କରି ଆଣୁଥିଲେ । ତାଙ୍କୁ ଏତେ ଶୀଘ୍ର ନ ଯାଇ ନିଜ ପିଲାମାନଙ୍କ ଦେଖାଶୁଣା କରିବା ପାଇଁ ଏଠି ରହିବାର ଥିଲା’ ବୋଲି ଧର୍ମେନ୍ଦ୍ର କହିଥିବା ଦେଖା ଯାଇଥିଲା ।