ଅନ୍ସ୍କ୍ରିନ୍ ଭାଇଙ୍କ ପ୍ରେମରେ ପଡ଼ିଛନ୍ତି ଆମୀର ଖାନ୍ଙ୍କ ସହ ନାମ ଯୋଡ଼ା ଯାଇ ସାରିଥିବା ଏହି ଅଭିନେତ୍ରୀ, ହାତ ଧରି ରାସ୍ତାରେ ଚାଲୁଥିବାର ଫଟୋ ହେଲା ଭାଇରାଲ
ମୁମ୍ବାଇ : ଫିଲ୍ମ ‘ଦଙ୍ଗଲ’ ପରେ ଅଭିନେତ୍ରୀ ଫାତିମା ସନା ଶେଖ୍ଙ୍କ ଭାଗ୍ୟ ବଦଳିଥିଲା । ଫିଲ୍ମକୁ ସଫଳତା ମିଳିବା ସହ ଲୋକପ୍ରିୟ ଏବଂ ଚର୍ଚ୍ଚିତ ହୋଇ ପାରିଥିଲେ ଫାତିମା । ଏବେ ସେ କିଛି ଦିନର ବ୍ୟବଧାନ ପରେ ପୁଣି ଥରେ ମିଷ୍ଟର ପର୍ଫେକ୍ଟସନିଷ୍ଟ ଆମୀରଙ୍କ ସହ ‘ଠଗ୍ସ ଅଫ୍ ହିନ୍ଦୋସ୍ତାନ’ରେ ନଜର ଆସିବାକୁ ଯାଉଛନ୍ତି । ଏହି ଫିଲ୍ମକୁ ନେଇ ଅନେକ ଚର୍ଚ୍ଚା ହେଉଥିବା ସମୟରେ ଏବେ ଫାତିମାଙ୍କ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚା ଆରମ୍ଭ ହେବାରେ ଲାଗିଛି । ଫାତିମା ଫିଲ୍ମ ‘ଦଙ୍ଗଲ’ରେ ତାଙ୍କ ଭାଇ ଭୂମିକାରେ ନଜର ଆସିଥିବା ଅପାର ଶକ୍ତି ଖୁରାନାଙ୍କୁ ଡ଼େଟ୍ କରୁଛନ୍ତି ବୋଲି ସୂଚନା ମିଳିଛି ।
Sambad is now on WhatsApp
Join and get latest news updates delivered to you via WhatsApp
ପୂର୍ବରୁ ତାଙ୍କ ନାମ ଅଭିନେତା ଆମୀର ଖାନ୍ଙ୍କ ସହ ଯୋଡ଼ା ଯାଇଥିବା ବେଳେ ଦୁହେଁ ଏହାକୁ ମିଛ ବୋଲି କହିଥିଲେ । ଏବେ ଫାତିମା ଏବଂ ଅପାରଶକ୍ତିଙ୍କୁ ଏକା ସାଙ୍ଗରେ ସମୟ ବିତାଉଥିବାର ଦେଖା ଯାଉଥିବା ବେଳେ ଦୁହିଁଙ୍କ ମଧ୍ୟରେ ପ୍ରେମ ସଂପର୍କ ଆରମ୍ଭ ହୋଇଥିବା ଜଣାପଡ଼ିଛି । ଏ ନେଇ ଅପାରଶକ୍ତିଙ୍କୁ ପଚରାଯିବା ପରେ ସେ କହିଥିଲେ, ଦୁହେଁ ନିଜ ନିଜ ଫିଲ୍ମରେ ବ୍ୟସ୍ତ ଥିଲୁ । ଫେରିବା ପରେ ସମୟ ମିଳିବାରୁ ଦେଖା କରିବାର ଯୋଜନା କରିଥିଲୁ । ଏହା ମଧ୍ୟରେ ଆଉ କିଛି ନାହିଁ ବୋଲି ସେ କହିଥିଲେ । କିଛି ଦିନ ପୂର୍ବରୁ ରିଲିଜ୍ ହୋଇଥିବା ଫିଲ୍ମ ସ୍ତ୍ରୀରେ ଅପାରଶକ୍ତିଙ୍କୁ ଦର୍ଶକେ ଦେଖିବାକୁ ପାଇଥିଲେ।