ଏହି ୪ଟି କଥା ଫିଲ୍ମ ‘୨.୦’କୁ ରିଲିଜ୍ ପୂର୍ବରୁ କରିଥିଲା ସୁପରହିଟ୍, ବଢ଼ାଇଥିଲା ଦେଖିବାର ଉତ୍ସାହ
ମୁମ୍ବାଇ : ବଲିଉଡ୍ ଅଭିନେତା ଅକ୍ଷୟ କୁମାର ଏବଂ ସାଉଥ୍ ସୁପରଷ୍ଟାର ରଜନୀକାନ୍ତଙ୍କ ସୁପରହିଟ୍ ଫିଲ୍ମ ‘୨.୦’ ଏବେ ସବୁ ସିନେମା ହଲରେ ରିଲିଜ୍ ହୋଇ ସାରିଛି । ରିଲିଜ୍ ପରେ ପରେ ହିଁ ଫିଲ୍ମଟି ଦର୍ଶକଙ୍କ ମନ ଜିଣିଥିବା ବେଳେ ଏହା ପୂର୍ବ ସବୁ ଫିଲ୍ମର ରେକର୍ଡ଼ ଭାଙ୍ଗିବ ବୋଲି ଆଶା କରାଯାଉଛି । ତେବେ ଫିଲ୍ମରେ ଥିବା ଏହି ୪ଟି ଭିନ୍ନ ଜିନିଷ ଫିଲ୍ମର ଲୋକପ୍ରିୟତା ବଢ଼ାଇ ଦେଇଛି । ଆସନ୍ତୁ ଜାଣିବା ସେହି ୪ଟି ଜିନିଷ ବିଷୟରେ….
Sambad is now on WhatsApp
Join and get latest news updates delivered to you via WhatsApp
୧.ଫିଲ୍ମରେ ରଖାଯାଇଥିବା କାହାଣୀ ପୂର୍ବରୁ ରିଲିଜ୍ ହୋଇଥିବା ଫିଲ୍ମର କାହାଣୀଠାରୁ ସଂପୂର୍ଣ୍ଣ ଭିନ୍ନ । ଫିଲ୍ମରେ ମୋବାଇଲ ଫୋନର ରାଡ଼ିଏସନରୁ ପକ୍ଷୀମାନଙ୍କୁ କେତେ ଅସବୁିଧା ହୋଇଥାଏ ସେ ବିଷୟରେ ଦେଖାଯାଇଥିବା ବେଳେ ଏହା ସମସ୍ତଙ୍କ ଦୃଷ୍ଟି ଆକର୍ଷଣ କରି ପାରିଛି ।
୨.ଫିଲ୍ମ ୨.୦ରେ ଅଭିନେତା ଅକ୍ଷୟ କୁମାରଙ୍କ ଲୁକ୍ ପୂର୍ବ ସମସ୍ତ ଫିଲ୍ମର ଲୁକ୍ଠାରୁ ଭିନ୍ନ ରହିଛି । ଅକ୍ଷୟଙ୍କ ମେକ୍ଅପ୍ କରିବା ପାଇଁ ଦୁଇ ଘଣ୍ଟା ସମୟ ଲାଗୁଥିବା ବେଳେ ତାଙ୍କ ଲୁକ୍ ସମସ୍ତଙ୍କୁ ପସନ୍ଦ ଆସୁଥିବା ଦେଖାଯାଇଛି ।
୩.ଫିଲ୍ମ ୨.୦ ଭାରତର ସବୁଠାରୁ ବଡ଼ ବଜେଟ ଫିଲ୍ମ ମଧ୍ୟରୁ ଗୋଟିଏ ହୋଇଥିବା ବେଳେ ଭିଏଫ୍ଏକ୍ସ ପାଇଁ ୩୦୦କୋଟି ଟଙ୍କା ଖର୍ଚ୍ଚ ହୋଇଥିବା ଜଣାପଡ଼ିଛି । ଭାରତୀୟ ଫିଲ୍ମରେ ଏ ପର୍ଯ୍ୟନ୍ତ କୌଣସି ଫିଲ୍ମରେ ଭିଏଫ୍ଏକ୍ସ ପାଇଁ ଏତେ ଟଙ୍କା ଖର୍ଚ୍ଚ ହୋଇ ନାହିଁ ।
୪. ଏହି ଫିଲ୍ମ ଜରିଆରେ ପ୍ରଥମ ଥର ପାଇଁ ଅକ୍ଷୟ କୁମାର ସାଉଥ୍ ଫିଲ୍ମରେ ଡ଼େବ୍ୟୁ କରୁଛନ୍ତି ।