ଟିକ୍ ଟକ୍ ଭିଡିଓ ଜରିଆରେ ବିବାଦୀୟ ମନ୍ତବ୍ୟ ଦେଇ ଗିରଫ ହେଲେ ଅଭିନେତା ଏଜାଜ୍ ଖାନ୍
ମୁମ୍ବାଇ : ବିଗ୍ ବସ୍ର ପୂର୍ବ ପ୍ରତିଯୋଗୀ ତଥା ଅଭିନେତା ଏଜାଜ୍ ଖାନ୍ଙ୍କୁ ମୁମ୍ବାଇ ପୁଲିସ ଗିରଫ କରିଥିବା ଜଣା ପଡ଼ିଛି । ମ୍ୟୁଜିକାଲ ଆପ୍ ଟିକ୍ ଟକ୍ ଜରିଆରେ ବିବାଦୀୟ ଭିଡିଓ ପ୍ରସାରିତ କରିଥିବାରୁ ତାଙ୍କୁ ଗିରଫ କରାଯାଇଛି । ଏହି ମାମଲାକୁ ନେଇ ପ୍ରଥମେ ପଚରାଉଚରା କରିବା ପାଇଁ ତାଙ୍କୁ ଡ଼କାଇଥିଲା ପୁଲିସ । ପଚରାଉଚରା ପରେ ଦୋଷୀ ସାବ୍ୟସ୍ତ ହେବାରୁ ଏବେ ମୁମ୍ବାଇର ସାଇବର କ୍ରାଇମ ପୁଲିସ ତାଙ୍କୁ ଗିରଫ କରିଛି । ତାଙ୍କୁ ଧାରା ୧୫୩ଏ ଏବଂ ଧାରା ୬୭ ଅନୁଯାୟୀ ଗିରଫ କରାଯାଇଥିବା ବେଳେ ଖୁବ୍ ଶୀଘ୍ର ତାଙ୍କୁ ଅଦାଲତରେ ହାଜର କରାଯିବ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଏଜାଜ୍ ଝାରଖଣ୍ଡରେ ଭିଡ ହିଂସାରେ ମୃତ୍ୟୁବରଣ କରିଥିବା ତବ୍ରେଜ ଅନ୍ସାରୀଙ୍କ ମୃତ୍ୟୁକୁ ନେଇ ଅନ୍ୟ ଟିକ୍ ଟକ୍ ଷ୍ଟାରଙ୍କ ସହ ମିଶି ଭିଡିଓ ତିଆରି କରିଥିଲେ । ଭିଡିଓରେ, ଜଣେ ମୁସ୍ଲିମ୍କୁ ବିନା କାରଣରେ ହତ୍ୟା କରାଯାଇଛି । ଏବେ କେହି ଆତଙ୍କବାଦୀ ହେଲେ କିଛି କହିବନି ବୋଲି ଏଜାଜ୍ କହୁଥିବା ଦେଖା ଯାଇଛି । ଏହି ଭିଡିଓଟି ଜୁନ୍ ୨୮ରେ ସୋସିଆଲ ମିଡିଆରେ ସେୟାର କରାଯିବା ପରେ ଏହାକୁ ନେଇ ବିବାଦ ଆରମ୍ଭ ହୋଇଥିଲା । ଏବେ ଏହା ଉପରେ କାର୍ଯ୍ୟନୁଷ୍ଠାନ ଗ୍ରହଣ କରାଯାଇ ଏଜାଜ୍ଙ୍କୁ ଗିରଫ କରିଛି ପୁଲିସ ।