ଏହି କାରଣରୁ ସଲମାନଙ୍କ ଉପରେ ଲାଗିପାରେ ପ୍ରତିବନ୍ଧକ
ମୁମ୍ବାଇ : ଭାରତ-ପାକିସ୍ତାନ ମଧ୍ୟରେ ଅଶାନ୍ତିର ବାତାବରଣ ଥିବା ବେଳେ ବଲିଉଡ୍ କଣ୍ଠଶିଳ୍ପୀ ମିକା ସିଂହ ପାକିସ୍ତାନରେ ସଙ୍ଗୀତ ପରିବେଷଣ କରିଥିଲେ । ତାଙ୍କର ଏଭଳି କାମକୁ ଦେଶ ବିରୋଧି ଆଖ୍ୟା ଦିଆଯିବା ସହ ଅଲ୍ ଇଣ୍ଡିଆ ସିନେ ଓ୍ଵାର୍କସ୍ ଆସୋସିଏସନ୍ ଓ ଫେଡେରେସନ୍ ଅଫ୍ େଓ୍ଵଷ୍ଟର୍ନ ଇଣ୍ଡିଆ ସିନେ ଏମ୍ଲୋଇଜ୍ ତାଙ୍କ ଉପରେ ପ୍ରତିବନ୍ଧକ ଲଗାଇଥିଲା । ବଢ଼ୁଥିବା ବିବାଦକୁ ଦେଖି ଭାରତ ଫେରିବା ପରେ ‘ଭାରତ ମାତା କି ଜୟ’ କହିବା ସହ କ୍ଷମା ମାଗିଥିଲେ ମିକା ।
Sambad is now on WhatsApp
Join and get latest news updates delivered to you via WhatsApp
ତେବେ ମିକାଙ୍କ ଉପରେ ପ୍ରତିବନ୍ଧକ ଲାଗିଥିବା ଜାଣି ମଧ୍ୟ ସଲମାନ ଖାନ୍ ତାଙ୍କ ସହ କାମ କରିବାକୁ ଯାଉଥିବା ଜଣା ପଡ଼ିଛି । ଆଗାମୀ ସପ୍ତାହରେ ସେ ମିକାଙ୍କ ସହ ଏକ କାର୍ଯ୍ୟକ୍ରମ କରିବାକୁ ଯାଉଥିବା ଜାଣି ଏଭଳି କଲେ ତାଙ୍କ ଉପରେ ମଧ୍ୟ ପ୍ରତିବନ୍ଧକ ଲଗାଇ ଦିଆଯିବ ବୋଲି ଫେଡେରେସନ୍ ଅଫ୍ େଓ୍ଵଷ୍ଟର୍ନ ଇଣ୍ଡିଆ ସିନେ ଏମ୍ଲୋଇଜ୍ ପକ୍ଷରୁ କୁହାଯାଇଛି ।
ସୂଚନା ମୁତାବକ, ଆଗାମୀ ସପ୍ତାହରେ ଆମେରିକାର ବିଭିନ୍ନ ସହରରେ ‘ଅପ୍, କ୍ଲୋଜ୍ ଆଣ୍ଡ ପର୍ସନାଲ ଉଇଥ୍ ସଲମାନ’ କାର୍ଯ୍ୟକ୍ରମ ଆୟୋଜିତ ହେବ । ଅଗଷ୍ଟ ୨୮ରେ ହଷ୍ଟନ ସହରରେ ମିକା ସଙ୍ଗୀତ ପରିବେଷଣ କରିବେ । ତେବେ କାର୍ଯ୍ୟକ୍ରମ ଆୟୋଜନ କରିଥିବା ଇଭେଣ୍ଟ କମ୍ପାନୀ ଜୋର୍ଡି ପଟେଲଙ୍କ ପକ୍ଷରୁ କୁହାଯାଇଛି କି, “ଆମେ ଭବେଶ ପଟେଲଙ୍କ ସହ କାମ କରୁଛୁ । ଆମେରିକାର କିଛି ଆଞ୍ଚଳିକ ପ୍ରମୋଟର ମିକାଙ୍କୁ ଡାକିଛନ୍ତି । ସଲମାନଙ୍କ ସହ ତାଙ୍କର କିଛି ସଂପର୍କ ନାହିଁ । ସଲମାନ ତାଙ୍କ ସହ ଷ୍ଟେଜ୍ ମଧ୍ୟ ସେୟାର କରିବେ ନାହିଁ” ।