ଗୋବିନ୍ଦାଙ୍କ ଖୁଲାସା : ମୁଁ ‘ଅବତାର’ ଫିଲ୍ମ କରିଥିଲେ ନିର୍ଦ୍ଦେଶକ-ପ୍ରଯୋଜକ ରାସ୍ତାକୁ ଚାଲି ଆସିଥାନ୍ତେ
ମୁମ୍ବାଇ : କିଛି ଦିନ ତଳେ ଗୋବିନ୍ଦାଙ୍କ ମାନସିକ ଅବସ୍ଥା ଠିକ ନ ଥିବା ନେଇ ଚର୍ଚ୍ଚା ହୋଇଥିଲା । ଏବେ ଏଭଳି ଚର୍ଚ୍ଚା ମଧ୍ୟରେ ବଲିଉଡ୍ ଅଭିନେତା ଗୋବିନ୍ଦା ରିୟାଲିଟି ସୋ’ ନଚ୍ ବଲିଏରେ ନଜର ଆସିଥିଲେ । ସୋ’କୁ ଆସି ସେ ସୋ’ର ଜଜ୍ ରବିନା ଟଣ୍ଡନଙ୍କ ସହ ନିଜ ଫିଲ୍ମର ‘ଗୀତ କିସି ଡିସ୍କୋ ମେଁ ଯାଏଁ’ରେ ନାଚିଥିବା ଦେଖା ଯାଇଥିଲା । ଏହା ପରେ ରବିନାଙ୍କ ସହ ତାଙ୍କର କୌଣସି ଫିଲ୍ମ ଅସଫଳ ହୋଇ ନ ଥିଲା ବୋଲି କହିଥିଲେ ଗୋବିନ୍ଦା । ତେବେ କିଛି ଦିନ ହେଲାଣି ବଲିଉଡ୍ ଫିଲ୍ମ ‘ଅବତାର’କୁ ନେଇ ଗୋବିନ୍ଦା ବିବାଦରେ ଥିବା ବେଳେ ସୋ’କୁ ଯାଇ ସେ ସ୍ପଷ୍ଟ ଭାବରେ ପୂରା ଘଟଣା ଜଣାଇଥିଲେ ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, “ସତ କଥା ହେଲା ୪୦୦ଦିନ ପର୍ଯ୍ୟନ୍ତ ନିଜ ଶରୀରରେ ରଙ୍ଗ ଲଗାଇ ସୁଟିଂ କରିବା ସହଜ ନୁହେଁ । ଫିଲ୍ମର କଳାକାର ଏ ନେଇ ରୋଗଗ୍ରସ୍ତ ହେଉଥିବାରୁ ସୁଟିଂକୁ ଦେଢ଼ ବର୍ଷ ପର୍ଯ୍ୟନ୍ତ ରୋକା ଯାଇଥିଲା । ଦେଖିବାକୁ ଗଲେ ମୋର ସେ ଫିଲ୍ମ ନ କରିବାର ନିଷ୍ପତ୍ତି କିଛି ଭୁଲ ନଥିଲା । କାରଣ ସେ ସମୟରେ ମୁଁ ଅନେକ ଫିଲ୍ମ ହାତକୁ ନେଇଥିଲି । ଯଦି ମୁଁ ସେ ସବୁକୁ ଅଧାରୁ ଛାଡ଼ି ଚାଲି ଯାଇଥାନ୍ତି, ତେବେ ମୋ ଉପରେ ଟଙ୍କା ଲଗାଇଥିବା ନିର୍ଦ୍ଦେଶକ-ପ୍ରଯୋଜକ ରାସ୍ତାକୁ ଚାଲିଆସିଥାନ୍ତେ” ବୋଲି କହିଥିଲେ ଗୋବିନ୍ଦା ।