ମୁମ୍ବାଇ: ଆଜି ହେଉଛି ସବୁଠାରୁ ନାମୀ ମ୍ୟୁଜିକ୍ କଂପାନି ଟି ସିରିଜ୍ର ପ୍ରତିଷ୍ଠାତା ହେଲେ ସ୍ୱର୍ଗତ ଗୁଲଶନ୍ କୁମାରଙ୍କ ଜନ୍ମ ଦିନ । ତାଙ୍କର ପ୍ରକୃତ ନାମ ହେଲା ଗୁଲଶନ୍ କୁମାର ଦୁଆ। ସେ ଏକ ପଞ୍ଜାବୀ ପରିବାରରେ ଜନ୍ମ ହୋଇଥିଲେ।
ଗୁଲଶନ୍ କୁମାରଙ୍କ ପିତା ଚନ୍ଦ୍ରଭାନ ଦୁଆ ଦିଲ୍ଲୀର ଦରିଆଗଂଜ ଅଞ୍ଚଳରେ ଏକ ଜୁସ୍ ଦୋକାନ ଖୋଲି ନିଜ ପରିବାରର ଭରଣ ପୋଷଣ କରୁଥିଲେ। ଏହି ଦୋକାନରେ ବି ବାପାଙ୍କୁ ସାହାଯ୍ୟ କରୁଥିଲେ ଗୁଲଶନ୍।
କିଛି ମାସ ଜୁସ ଦୋକାନରେ କାମ କରିବାପରେ ଗୁଲଶନ୍ କୁମାର ନିଜର ଏକ କ୍ୟାସେଟ୍ ଦୋକାନ ଖୋଲିଲେ। ସେଠାରେ ସେ ଖୁବ୍ କମ୍ ମୂଲ୍ୟରେ କ୍ୟାସେଟ୍ ବିକ୍ରି କରିଲେ। ଏଥିରେ ଭଲ ଲାଭ ମିଳିବା ପରେ ଗୁଲଶନ୍ କୁମାର ନୋଏଡାରେ ଟି ସିରିଜ୍ ନାଆଁରେ ଏକ କଂପାନି ଖୋଲିଲେ।
ଏହାପରେ ଗୁଲଶନ୍ କୁମାର ମୁମ୍ବାଇ ଚାଲି ଆସିଥିଲେ। ଗୁଲଶନ୍ କୁମାର ମ୍ୟୁଜିକ୍ ଇଣ୍ଡଷ୍ଟ୍ରିରେ ପ୍ରାୟ ୧୦ ବର୍ଷ ଯାଏଁ ରାଜ୍ କରିଥିଲେ। ସେ କୋଟିପତି ବନି ଯାଇଥିଲେ। ଖାଲି ସେତିକି ନୁହେଁ ଗୁଲଶନ୍ କୁମାର ସୋନୁ ନିଗମ୍, ଅନୁରାଧା ବିଶ୍ୱାଳ, କୁମାର ସାନୁ ଓ ଉଦିତ ନାରାୟଣଙ୍କ ଭଳି କଣ୍ଠଶିଳ୍ପୀମାନଙ୍କୁ ମଧ୍ୟ ଲଞ୍ଚ କରିଥିଲେ।
ଗୁଲଶନ୍ କୁମାର ନିଜେ ବି ଜଣେ ଗାୟକ ଥିଲେ ଓ ଏକ ମନ୍ଦିରରୁ ବାହାରୁଥିବା ବେଳେ ଗୁଲଶନଙ୍କୁ ଗୁଳି କରି ହତ୍ୟା କରାଯାଇଥିଲା। ଗୁଲଶନଙ୍କ ନିଧନ ପରେ ତାଙ୍କ ପୁଅ ଭୂଷଣ କୁମାର ଟି ସିରିଜ୍ର ବ୍ୟବସାୟ ସମ୍ଭାଳିଥିଲେ।
Sambad is now on WhatsApp
Join and get latest news updates delivered to you via WhatsApp
ଗୁଲଶନ୍ କୁମାରଙ୍କ ଉପରେ ଆଧାରିତ ଏକ ସିନେମା ନିର୍ମିତ ହେଉଛି । ଏହାର ଟାଇଟଲ ରହିଛି ‘ମୁଗଲ୍’।