ପାଞ୍ଚ ବର୍ଷ ଭିତରେ ହେମାଙ୍କ ସମ୍ପତ୍ତି ୩୪.୩୬ କୋଟି ଟଙ୍କାକୁ ବୃଦ୍ଧି, ସମୁଦାୟ ୧୦୧ କୋଟି ଟଙ୍କାର ମାଲିକାଣୀ ଡ୍ରିମ୍ଗାର୍ଲ
ମଥୁରା: ଆସନ୍ତା ଲୋକସଭା ନିର୍ବାଚନ ପାଇଁ ମଥୁରାରୁ ଭାରତୀୟ ଜନତା ପାର୍ଟିର ସାଂସଦ ପ୍ରାର୍ଥୀ ଭାବେ ପୁଣି ଥରେ ହେମା ମାଳିନୀଙ୍କୁ ଟିକେଟ୍ ମିଳିଛି। ତେବେ ଜାଣିରଖନ୍ତୁ ଯେ ମୈଦାନକୁ ଓହ୍ଲାଇଥିବା ହେମାଙ୍କ ସମ୍ପତ୍ତିର ମୂଲ୍ୟ ୫ ବର୍ଷ ଭିତରେ ୩୪.୩୬ କୋଟି ଟଙ୍କା ବୃଦ୍ଧି ପାଇଛି। ହେମାଙ୍କ ପତି ଧର୍ମେନ୍ଦ୍ର ସିଂହ ଦେଓଲଙ୍କ ସମ୍ପତ୍ତିର ମୂଲ୍ୟ ମାତ୍ର ୧୨ କୋଟି ୩୦ ଲକ୍ଷ ଟଙ୍କାକୁ ବୃଦ୍ଧି ପାଇଛି।
Sambad is now on WhatsApp
Join and get latest news updates delivered to you via WhatsApp
ହେମାମାଳିନୀ ୨୦୧୩-୧୪ରେ ୧୫ ଲକ୍ଷ ୯୩ ହଜାର ଟଙ୍କା ରୋଜଗାର କରିଥିବା ବେଳେ ଗତବର୍ଷ ୧ କୋଟି ୧୯ ଲକ୍ଷ ୫୦ ହଜାର ଟଙ୍କା ରୋଜଗାର କରିଥିବା ଆୟକର ବିଭାଗ ସୂଚନା ଦେଇଛି। ସେହିପରି ୨୦୧୪-୧୫ରେ ହେମା ୩ କୋଟି ୧୨ ଲକ୍ଷ ଟଙ୍କା, ୨୦୧୫-୧୬ରେ ୧ କୋଟି ୯ ଲକ୍ଷ ଏବଂ ୨୦୧୬-୧୭ରେ ୪ କୋଟି ୩୦ ଲକ୍ଷ ୧୪ ହଜାର ଟଙ୍କା ରୋଜଗାର କରିଥିବା ସୂଚନା ରହିଛି।
ସବୁ ମିଶାଇଲେ ୫ ବର୍ଷ କାର୍ଯ୍ୟକାଳ ଭିତରେ ହେମାଙ୍କ ପୂରା ଆୟ ରହିଛି ୯ କୋଟି ୮୭ ଲକ୍ଷ ୫୫ ହଜାର ଟଙ୍କା। ସେହିପରି ୫ ବର୍ଷ ଭିତରେ ଧର୍ମେନ୍ଦ୍ରଙ୍କ ଆୟ ରହିଛି ୯ କୋଟି ୭୨ ଲକ୍ଷ ୭୮ ହଜାର ଟଙ୍କା। ତାଙ୍କର ସମୁଦାୟ ସମ୍ପତ୍ତିର ମୂଲ୍ୟ ୧୦୧ କୋଟି ଟଙ୍କା।