ଛାଡ଼ପତ୍ରର ୪ବର୍ଷ ପରେ ହ୍ରିତିକ୍-ସୁଜାନେ ପୁଣି ଥରେ ବିବାହ କରିବାକୁ ଯାଉଥିବା ନେଇ ଚର୍ଚ୍ଚା!
ମୁମ୍ବାଇ: ବଲିଉଡ୍ର ହ୍ୟାଣ୍ଡସମ ହଙ୍କ ହ୍ରିତିକ୍ ରୋଶନ ନିଜର ପ୍ରଥମ ବଲିଉଡ୍ ଫିଲ୍ମ ପରେ ବିବାହ କରି ନେଇଥିଲେ । ନିଜର ପିଲା ବେଳର ସାଙ୍ଗ ସୁଜାନେ ଖାନ୍ଙ୍କୁ ସେ ବିବାହ କରିଥିବା ବେଳେ ଦୁହିଁଙ୍କ ମଧ୍ୟରେ ସଂପର୍କ ଖୁବ୍ ଭଲ ଚାଲିଥିଲା । କିନ୍ତୁ ବିବାହର ୧୪ବର୍ଷ ପରେ ଦୁହେଁ ପରସ୍ପରଠାରୁ ଛାଡ଼ପତ୍ର ନେଇ ଅଲଗା ହୋଇ ଯାଇଥିଲେ । ଯାହା ସେମାନଙ୍କ ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଥିଲା । କିନ୍ତୁ ଛାଡ଼ପତ୍ର ପରେ ମଧ୍ୟ ଅନେକ ସମୟରେ ଦୁହେଁ ନିଜ ପରିବାର ସହ ଛୁଟି କଟାଉଥିବାର ନଜର ଆସୁଥିଲେ । ଏବେ ଦୁହେଁ ପୁଣି ଥରେ ନିଜ ସଂପର୍କକୁ ଆଉ ଏକ ସୁଯୋଗ ଦେବାକୁ ଯାଉଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ନିଜ ପିଲାଙ୍କ ଭବିଷ୍ୟତକୁ ଆଖି ଆଗରେ ରଖି ଦୁହେଁ ପୁଣି ଥରେ ବିବାହ କରିବେ ବୋଲି ଚର୍ଚ୍ଚା ଆରମ୍ଭ ହୋଇଛି । ବିବାହକୁ ନେଇ ପୂର୍ବରୁ ଅନେକ ଥର ସୁଜାନେ ମନା କରି ଆସିଥିବା ବେଳେ ଏବେ ନିଜ ପିଲାମାନଙ୍କ ପାଇଁ ଏହା ସମ୍ଭବ ହେବାକୁ ଯାଉଛି ବୋଲି ଜଣା ପଡ଼ିଛି । ତେବେ ଏ ଖବରରେ କେତେ ସତ୍ୟତା ରହିଛି ତାହା ଦେଖିବାକୁ ବାକି ରହିଲା ।