କମଳା ରଙ୍ଗର ଜର୍ସିକୁ ନେଇ ଏଭଳି ଟୁଇଟ୍ କରି ଫସିଲେ ହୁମା…
ମୁମ୍ବାଇ : ରବିବାର ଭାରତ ଏବଂ ଇଂଲଣ୍ଡ ମଧ୍ୟରେ ଆଇସିସି ବିଶ୍ୱକପ ମ୍ୟାଚ୍ ଖେଳା ଯାଇଥିଲା । ଯେଉଁଥିରେ ଟିମ୍ ଇଣ୍ଡିଆକୁ ଅସଫଳ ହେବାକୁ ପଡ଼ିଥିଲା । ପ୍ରଥମ ଥର ପାଇଁ କମଳା ରଙ୍ଗର ଜର୍ସି ପିନ୍ଧି ଟିମ୍ ଇଣ୍ଡିଆ ମଇଦାନକୁ ଓହ୍ଲାଇଥିବା ବେଳେ ମ୍ୟାଚ୍ ହାରିଯିବାରୁ ଲୋକେ ଅନେକ ପ୍ରକାର କଥା କହିବା ଆରମ୍ଭ କରିଥିଲେ । କିଛି କମଳା ରଙ୍ଗ ଟିମ୍ ଭାରତ ପାଇଁ ଅଶୁଭ ବୋଲି କହିବା ସହ ପୁଣି ଥରେ ନୀଳ ରଙ୍ଗର ଜର୍ସିି ଅଣାଯାଉ ବୋଲି କହିବା ଆରମ୍ଭ କରିଛନ୍ତି । ଏ ମଧ୍ୟରେ ବଲିଉଡ୍ ଅଭିନେତ୍ରୀ ହୁମା କୁରେଶୀଙ୍କ ଟୁଇଟ୍କୁ ନେଇ ଏବେ ବିବାଦ ଆରମ୍ଭ ହୋଇଛି ।
Sambad is now on WhatsApp
Join and get latest news updates delivered to you via WhatsApp
Not superstitious at all .. but can we please have the Blue jersey back .. enough said ??♀️
— Huma Qureshi (@humasqureshi) June 30, 2019
ହୁମା ଟୁଇଟ୍ କରି, ମୁଁ ଅନ୍ଧବିଶ୍ୱାସୀ ତ ନୁହେଁ । କିନ୍ତୁ ଟିମ୍ ଇଣ୍ଡିଆ ପୁଣି ଥରେ ପୁରୁଣା ଜର୍ସିରେ ଖେଳି ପାରିବ କି ବୋଲି ଲେଖିଥିଲେ । ଯାହା ପରେ ଟୁଇଟରରେ ଲୋକେ ତାଙ୍କୁ ଟ୍ରୋଲ କରିବା ଆରମ୍ଭ କରି ଦେଇଥିଲେ । କିଛି ତାଙ୍କୁ ସମର୍ଥନ କରିଥିଲେ ମଧ୍ୟ କିଛି ତାଙ୍କୁ ଖରାପ ଭାଷାରେ ଗାଳି ଦେବା ଆରମ୍ଭ କରି ଦେଇଥିଲେ । କିଛି ଲୋକ ତାଙ୍କ ଧର୍ମକୁ ନେଇ ଗାଳି ଦେବା ଆରମ୍ଭ କରିଥିଲେ ।