କପୁର ପରିବାରେ ଶୀଘ୍ର ବାଜିବାକୁ ଯାଉଛି ସେହେନାଇ! ମହେଶ ଭଟ୍ଟଙ୍କ ପରେ ରଣବୀରଙ୍କୁ ଗ୍ରହଣ କଲେ ମା’ ସୋନି ରାଜ୍ଦାନ,ଦେଲେ ଏଭଳି ମତ
ମୁମ୍ବାଇ : କିଛି ମାସ ହେଲାଣି ବଲିଉଡ୍ ଅଭିନେତା ରଣବୀର ଏବଂ ଅଭିନେତ୍ରୀ ଆଲିଆଙ୍କ ପ୍ରେମ ସଂପର୍କକୁ ନେଇ ଚର୍ଚ୍ଚା ଜୋର ଧରିଥିବା ବେଳେ ବିଭିନ୍ନ ସମୟରେ ଦୁହିଁଙ୍କ ପରିବାରକୁ ଏକାଠି ଦେଖାଯାଉଛି । ରଣବୀର ଏବଂ ଆଲିଆ ଦୁହେଁ ଦୁହିଁଙ୍କୁ ଡ଼େଟ୍ କରୁଥିବା ନେଇ ସର୍ବସମ୍ମୁଖରେ ମାନି ସାରିଥିବା ବେଳେ ଏବେ ଦୁହିଁଙ୍କ ପରିବାର ସେମାନଙ୍କ ସଂପର୍କକୁ ଆଗକୁୁ ନେବା କଥା ଚିନ୍ତା କରୁଥିବା ଜଣାପଡ଼ିଛି । ପ୍ରଥମରୁ ଦୁହିଁଙ୍କ ସଂପର୍କକୁ ଆଲିଆଙ୍କ ପିତା ମହେଶ ଭଟ୍ଟ ସ୍ୱୀକୃତି ଦେଇ ସାରିଥିବା ବେଳେ ଏବେ ମା’ ସୋନି ରାଜଦାନ ଏ ନେଇ ନିଜର ମତ ରଖିଛନ୍ତି । ଦୁହିଁଙ୍କ ସଂପର୍କକୁ ନେଇ ଦେଇଥିବା ମତରୁ ସେ ରଣବୀରଙ୍କୁ ଗ୍ରହଣ କରି ନେଇଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ପିଲା ହିସାବରେ ରଣବୀର ବହୁତ ଭଲ। ମହେଶ ଭଟ୍ଟ ହୁଅନ୍ତୁ ବା ଋଷି କପୁର ସମସ୍ତଙ୍କୁ ଦୁହିଁଙ୍କ ସଂପର୍କ ବିଷୟରେ ଜଣା । ଆଲିଆ ଖୁବ୍ ଭଲ ଭାବରେ ରଣବୀର ଏବଂ ତାଙ୍କ ପରିବାର ଲୋକଙ୍କୁ ଜାଣିଛି ଏବଂ ସମସ୍ତେ ବହୁତ ଭଲ ବୋଲି କହିଥିବା ବେଳେ ତାଙ୍କ କଥାରୁ ସେ ଝିଅର ପସନ୍ଦକୁ ନେଇ ଖୁସିଥିବା ଜଣା ପଡ଼ିଛି । ତେବେ ଦୁହିଁଙ୍କ ପରିବାର ତରଫରୁ ସ୍ୱୀକୃତି ମିଳି ସାରିଥିବା ବେଳେ ଖୁବ୍ ଶୀଘ୍ର ଦୁହେଁ ବିବାହ କରି ପାରନ୍ତି ବୋଲି ଚର୍ଚ୍ଚା ଆରମ୍ଭ ହୋଇଛି ।