ଇଶା-ଆନନ୍ଦଙ୍କ ସଙ୍ଗୀତ୍ରେ ଅନନ୍ତ ଅମ୍ବାନୀଙ୍କ ପାଇଁ ବ୍ୟାକ୍ଗ୍ରାଉଣ୍ଡ ଡ଼୍ୟାନ୍ସର ହୋଇ ଟ୍ରୋଲ ହେଲେ ସଲମାନ ଖାନ୍ ! ଲୋକେ କହିଲେ; ଟଙ୍କା କ’ଣ ନ କରି ପାରେ?
ନୂଆଦିଲ୍ଲୀ : ଦେଶର ସବୁଠାରୁ ଧନୀ ତଥା ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ଼୍ର ଅଧ୍ୟକ୍ଷ ମୁକେଶ ଅମ୍ବାନୀଙ୍କ ଅଳିଅଳି ଝିଅ ଇଶା ଅମ୍ବାନୀ ଆନନ୍ଦ ପିରାମଲଙ୍କୁ ବିବାହ କରିବାକୁ ଯାଉଛନ୍ତି । ବିବାହ ପୂର୍ବରୁ ଉଦୟପୁରରେ ଇଶାଙ୍କ ମେହେନ୍ଦି ଏବଂ ସଙ୍ଗୀତ୍ କାର୍ଯ୍ୟକ୍ରମ ରଖାଯାଇଥିବା ବେଳେ ସେଠାରେ ଅନେକ ବଲିଉଡ୍ ଏବଂ ହଲିଉଡ଼୍ କଳାକାର ଯାଇ ପହଞ୍ଚିଥିଲେ । ସଙ୍ଗୀତ୍ରେ ଅମ୍ବାନୀ ପରିବାର ନାଚିବା ସହ ଶାହାରୁଖ୍-ଗୌରୀ,ଐଶ୍ୱର୍ଯ୍ୟା-ଅଭିଷେକ,ଦୀପ୍-ବୀର,ପ୍ରିୟଙ୍କା ଇତ୍ୟାଦିଙ୍କୁ ନିଜ ନୃତ୍ୟର ଯାଦୁରେ ସମସ୍ତଙ୍କୁ ମୋହିତ କରିବା ଦେଖିବାକୁ ମିଳିଥିଲା।
Sambad is now on WhatsApp
Join and get latest news updates delivered to you via WhatsApp
ଏହି ଉତ୍ସବରେ ବଲିଉଡ୍ ଅଭିନେତା ସଲମାନ୍ ଖାନ୍ ମଧ୍ୟ ସାମିଲ ହୋଇଥିବା ଦେଖାଯାଇଥିଲା । ସବୁ ଇଭେଣ୍ଟରେ ନିଜ ଦବଙ୍ଗ ଷ୍ଟାଇଳକୁ ନେଇ ଚର୍ଚ୍ଚାରେ ରହୁଥିବା ସଲମାନ ଅମ୍ବାନୀ ପରିବାର ପାଇଁ ବ୍ୟାକ୍ଗ୍ରାଉଣ୍ଡ ଡ଼୍ୟାନ୍ସର ପାଲଟିଥିବା ଦେଖାଯାଇଥିଲା । ଯାହାର ଏକ ଭିଡିଓ ଏବେ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେଉଥିବା ବେଳେ ସଲମାନଙ୍କ ଏଭଳି ଭିଡିଓ ଦେଖି ସମସ୍ତେ ତାଙ୍କୁ ଟ୍ରୋଲ କରିବା ଆରମ୍ଭ କରିଛନ୍ତି ।
Anant Ambani: When i perform on stage, i need some good Background dancer.
Mukesh Ambani: OK i will arrange Salman Khan pic.twitter.com/ZOjVMl8LLu— Joy (@Joydas) 9 December 2018
ଭାଇରାଲ ହୋଇଥିବା ଭିଡିଓରେ,ମୁକେଶ ଅମ୍ବାନୀଙ୍କ ସାନ ପୁଅ ଅନନ୍ତ ଅମ୍ବାନୀ ନିଜ କଥିତ ପ୍ରେମିକା ରାଧିକା ମର୍ଚ୍ଚାଣ୍ଟଙ୍କ ସହ କୋଇ ମିଲ୍ ଗୟା ଗୀତରେ ନାଚୁଥିବାର ଦେଖାଯାଇଛି । ଏହି ଗୀତରେ ସାମ୍ନାରେ ଅନନ୍ତ ନାଚୁଥିବା ବେଳେ ସଲମାନ ଖାନ୍ ଅନ୍ୟ ବ୍ୟାକ୍ଗ୍ରାଉଣ୍ଡ ଡ଼୍ୟାନ୍ସରଙ୍କ ସହ ପଛରେ ନାଚୁଥିବାର ଦେଖାଯାଇଥିଲା । ଏହି ଭିଡିଓ ଭାଇରାଲ ହେବା ପରେ କିଛି ଲୋକ ଟଙ୍କା କ’ଣ ନ କରିପାରେ ବୋଲି କହି ସଲମାନଙ୍କୁ ଟ୍ରୋଲ କରିବା ଆରମ୍ଭ କରିଛନ୍ତିି ।
କିଛି ଲୋକ ସଲମାନଙ୍କୁ ବ୍ୟାକ୍ଗ୍ରାଉଣ୍ଡ ଡ଼୍ୟାନ୍ସର ଭାବରେ ଦେଖି ବିଶ୍ୱାସ କରି ପାରୁ ନଥିବା ମଧ୍ୟ ଦେଖାଯାଇଛି । ଅନ୍ୟ ପକ୍ଷରେ କିଛି ଲୋକ,ଯେତେବେଳେ ଜଣେ ଏତେ ଧନୀ ହୋଇଯାଏ,ସେତେବେଳେ ସଲମାନ ଖାନ୍ଙ୍କ ଭଳି ଲୋକ ବ୍ୟାକ୍ଗ୍ରାଉଣ୍ଡ ଡ଼୍ୟାନ୍ସର ବନିଯାଆନ୍ତି ବୋଲି ଲେଖିଥିବା ଦେଖାଯାଇଛି ।