ଷ୍ଟାର ହୋଇ ମଧ୍ୟ ପକେଟରେ ସଲମାନ ଖାନ୍ଙ୍କ ଫଟୋ ନେଇ ବୁଲୁଥିଲେ ଜାକି ଶ୍ରଫ୍, ପ୍ରଥମ ଥର ଜଣାଇଲେ କାରଣ
ମୁମ୍ବାଇ : ଆଜି ସୁପରଷ୍ଟାର ସଲମାନ ଖାନ୍ଙ୍କ ଫିଲ୍ମ ଭାରତ ଦେଶର ୪,୦୦୦ସ୍କ୍ରିନ୍ରେ ରିଲିଜ୍ ହୋଇଛି । ପ୍ରଥମ ଦିନରେ ହିଁ ଫିଲ୍ମଟି ଦର୍ଶକଙ୍କ ମନ ଜିଣିବା ଆରମ୍ଭ କରିଛି । ଏହି ଫିଲ୍ମରେ ସଲମାନ ଖାନ୍ ମୁଖ୍ୟ ଭୂମିକାରେ ନଜର ଆସୁଥିବା ବେଳେ ତାଙ୍କ ବାପାଙ୍କ ଚରିତ୍ରରେ ନଜର ଆସିଛନ୍ତି ଅଭିନେତା ଜାକି ଶ୍ରଫ୍ । ତେବେ କେବଳ ପରଦା ଉପରେ ନୁହେଁ ନିଜ ଅସଲ ଜୀବନରେ ମଧ୍ୟ ସଲମାନଙ୍କୁ ନିଜ ପୁଅ ବୋଲି ଭାବନ୍ତି ଜାକି ।
Sambad is now on WhatsApp
Join and get latest news updates delivered to you via WhatsApp
କିଛି ଦିନ ତଳେ ଦେଇଥିବା ଏକ ସାକ୍ଷାତକାରେ ଜାକି ଶ୍ରଫ୍ ସଲମାନଙ୍କ ସହ ତାଙ୍କର ସଂପର୍କ କିଭଳି ସେ ବିଷୟରେ ଜଣାଇଥିଲେ । ତାଙ୍କ କହିବା ଅନୁଯାୟୀ, ୧୯୮୮ରେ ରିଲିଜ୍ ହୋଇଥିବା ଫିଲ୍ମ ଫଲକ ସମୟରେ ସଲମାନଙ୍କ କିଛି ଫଟୋ ମୁଁ ଉଠାଇଥିଲି । ଯାହାକୁ ମୁଁ ସବୁବେଳେ ପକେଟରେ ରଖି ବୁଲେ । ସଲମାନଙ୍କ ପାଇଁ ମୁଁ ତାଙ୍କ ଫଟୋ ବିଭିନ୍ନ ପ୍ରଯୋଜକଙ୍କୁ ଦେଖାଇବା ସହ କାମ ମାଗୁଥିଲି । ମୁଁ ସେବେଠୁ ଜାଣିଥିଲି, ଏ ପିଲାଟି ନିଶ୍ଚୟ ଦିନେ ବଡ଼ ଷ୍ଟାର ହେବ ।