ବିଗ ବସ୍ ହାଉସରେ ସବୁ ସଦସ୍ୟଙ୍କ ସାମ୍ନାରେ ଅନୁପ ଜଲୋଟାଙ୍କୁ ଚୁମ୍ବନ ଦେଲେ ଜସଲିନ୍; ଜାଣନ୍ତୁ କେଉଁ ସର୍ତ୍ତରେ ସେ ଏପରି କଲେ
ମୁମ୍ବାଇ : ଟିଭି ଦୁନିଆର ସବୁଠାରୁ ବିବାଦୀୟ ରିୟଲିଟି ସୋ ବିଗ ବସ୍ର ୧୨ ତମ ସିଜିନ ଆରମ୍ଭ ହେବା ଠାରୁ ଚର୍ଚ୍ଚାରେ ରହିଛି । ଚଳିତ ସିଜିନରେ ପ୍ରଥମ ଥର ପାଇଁ ପ୍ରତିଯୋଗୀମାନେ ଯୋଡି ଏବଂ ଏକକ ଭାବେ ଭାଗ ନେଇଛନ୍ତି । ଏହି ସମସ୍ତ ପ୍ରତିଯୋଗୀଙ୍କ ମଧ୍ୟରେ ଭଜନ ସମ୍ରାଟ ଅନୁପ ଜଲୋଟା ଏବଂ ତାଙ୍କ ପ୍ରେମିକା ଜସଲିନ ପ୍ରଥମ ଦିନରୁ ହିଁ ଚର୍ଚ୍ଚାରେ ରହିଛନ୍ତି । ତେବେ ଏହି ଯୋଡିଙ୍କର ଏକ ଭିଡିଓ ଚ୍ୟାନେଲର ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରାଯାଇଛି, ଯାହାକୁ ଦେଖିଲେ ଆପଣ ମଧ୍ୟ ଆଶ୍ଚର୍ଯ୍ୟ ହୋଇଯିବେ ।
Sambad is now on WhatsApp
Join and get latest news updates delivered to you via WhatsApp
ଏହି ପ୍ରମୋ ଭିଡିଓରେ ଜସଲିନ ବିଗ ବସ୍ ଘରେ ଅନ୍ୟ ସଦସ୍ୟଙ୍କ ସାମ୍ନାରେ ଅନୁପ ଜଲୋଟାଙ୍କୁ ଚୁମ୍ବନ କରୁଥିବାର ଦେଖିବାକୁ ମିଳିଛି । ଏହି ଭିଡିଓରେ ଜସଲିନ ଅନୁପ ଜଲୋଟାଙ୍କୁ କହୁଛନ୍ତି, ମୁଁ ଆଜି ଆପଣଙ୍କୁ ଏକ କଥା କହିବି ଏହା ଆପଣଙ୍କୁ ପାଳନ କରିବାକୁ ପଡିବ । ଆପଣ କିଛି କରିବେ ନାହିଁ କି ଏହାକୁ ଲିଭାଇବେ ନାହିଁ । ଏହା ପରେ ଜସଲିନ ଅନୁପ ଜଲୋଟାଙ୍କ ମଥାରେ ଏବଂ ଗାଲରେ କିସ କରି ଲିପଷ୍ଟିକର ଦାଗ ଛାଡି ଦିଅନ୍ତି । ଏହା ସବୁ ଦେଖିବା ପରେ ବାକି ସଦସ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି । ଏହା ପରେ ଅନୁପ ଜଲୋଟା କହୁଛନ୍ତି, ଏବେ ଏହି ଦାଗ ପୂରା ଦିନ ରହିବ ।