ଭୁବନେଶ୍ୱର: ଓଲିଉଡର ଜଣେ ଲୋକପ୍ରିୟ ନାୟିକା ହେଲେ ଝିଲିକ୍। ସେ ନିରଞ୍ଜନ ରଣା ପ୍ରଯୋଜିତ ତଥା ଏସ କେ ମୁରଲୀଧରନ୍ ନିର୍ଦ୍ଦେଶିତ ‘ଟାର୍ଗେଟ୍’ ଜରିଆରେ ଓଲିଉଡରେ ପ୍ରବେଶ କରିଥିଲେ।ଏଥିରେ ତାଙ୍କର ନାୟକ ଥିଲେ ଅମ୍ଳାନ। ତାପରେ ସେ ବାବୁସାନଙ୍କ ସହ ‘ଆଖିରେ ଆଖିରେ’ ରେ ନଜର ଆସିଥିଲେ। ଏହି ଫିଲ୍ମ ସୁପରହିଟ୍ ହେବାପରେ ବାବୁସାନ୍-ଝିଲିକଙ୍କୁ ଲୋକପ୍ରିୟ ଯୋଡ଼ିର ମାନ୍ୟତା ମିଳିଥିଲା।ଏହି ଯୋଡ଼ିକୁ ଦର୍ଶକ ପୁଣି ‘ଲେଖୁ ଲେଖୁ ଲେଖି ଦେଲି’ , ‘ସୁପର ମିଛୁଆ’ ଏବଂ ‘ଜବରଦସ୍ତ ପ୍ରେମିକ’ ଆଦି ସିନେମାରେ ବି ପସନ୍ଦ କରିଥିଲେ। ଏହା ଅବଶ୍ୟ ଭିନ୍ନ କଥା ଯେ ଝିଲିକ ଅନୁଭବଙ୍କ ସହିତ ‘ଜଗା ହାତରେ ପଘା’,‘ଅଗସ୍ତ୍ୟ’ ଏବଂ ‘ବେବି’, ଅରିନ୍ଦମଙ୍କ ବିପକ୍ଷରେ ‘ଲଭ୍ ୟୁ ହମେଶା’ରେ ଅଭିନୟ କରିଛନ୍ତି। ସମ୍ବିତଙ୍କ ସହ ବି ଝିଲିକ୍ ‘ତୁମକୁ ଦେଖିଲାପରେ’ରେ ଦେଖିବାକୁ ପାଇଛନ୍ତି ଦର୍ଶକ ।
Sambad is now on WhatsApp
Join and get latest news updates delivered to you via WhatsApp
ତେବେ ଏହି ଅନ୍ୟ ଯୋଡ଼ିକୁ ବାବୁସାନ୍-ଝିଲିକ ଯୋଡ଼ି ଭଳି ସଫଳତା ମିଳି ନାହିଁ।ତାଙ୍କର ନାୟକ ଜ୍ୟୋତିଙ୍କ ସହ ଦୁଇଟି ଫିଲ୍ମ ତୁ ମୋ ହିରୋ’ ଏବଂ ‘ଓଲେ ଓଲେ ଦିଲ ବୋଲେ’ରେ କାମ କରିଛନ୍ତି।
ତେବେ ସେ ଏଯାବତ୍ ଓଲିଉଡର ଅନ୍ୟ ଟପ୍ ନାୟକସବ୍ୟସାଚୀ,ଆକାଶ,ବୁଦ୍ଧାଦିତ୍ୟ,ଅଭିଷେକ ଏବଂ ଦୀପକ ପ୍ରମୁଖଙ୍କ ସହ ନାୟିକାଭାବେ କାମ କରୁଛନ୍ତି ତାହା ଦେଖିବାକୁ ବାକି ଅଛି।