ଯୌନ ଶୋଷଣ ଘଟଣା ଉପରେ ବଡ଼ ଖୁଲାସା କଲେ ତନୁଶ୍ରୀ ଦତ୍ତାଙ୍କ କାର୍ ଉପରେ ଆକ୍ରମଣ କରିଥିବା ସାମ୍ବାଦିକ
ମୁମ୍ବାଇ: ଫିଲ୍ମ ‘ଆଶିକ୍ ବନାୟ ଆପ୍ନେ’ରେ ଅଭିନୟ କରି ପ୍ରସିଦ୍ଧ ହୋଇଥିଲେ ଅଭିନେତ୍ରୀ ତନୁଶ୍ରୀ ଦତ୍ତା । ଏହି ଫିଲ୍ମ ପରେ ତାଙ୍କୁ ଅନେକ ଫିଲ୍ମରେ ଦେଖିବାକୁ ମିଳିଥିବା ବେଳେ କିଛି ବର୍ଷ ପରେ ସେ ବଲିଉଡ୍ରୁ ଗାୟବ ହୋଇ ଯାଇଥିଲେ । କିନ୍ତୁ ଏବେ ଅଭିନେତା ନାନା ପାଟେକରଙ୍କ ଉପରେ ଯୌନ ଶୋଷଣର ଅଭିଯୋଗ ଆଣି ସେ ପୁଣି ଚର୍ଚ୍ଚାର ପରିସରକୁ ଆସିଛନ୍ତି । କିଛି ଦିନ ତଳେ ୨୦୦୮ରେ ଘଟିଥିବା ଘଟଣାର ଏକ ଭିଡ଼ିଓ ଏବେ ଭାଇରାଲ ହୋଇଥିଲା । ଯେଉଁଥିରେ ତନୁଶ୍ରୀଙ୍କ ଗାଡ଼ିକୁ କିଛି ଜଣେ ସାମ୍ବାଦିକ ଭାଙ୍ଗୁଥିବା ବେଳେ ତାଙ୍କ ଗାଡ଼ି ଚକାରୁ ପବନ ବାହାର କରୁଥିବା ଦେଖା ଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ଗତକାଲି ଏଭଳି କାମ କରିଥିବା ସାମ୍ବାଦିକଙ୍କ ପରିଚୟ ମିଳିବା ପରେ ଅନେକ ସାମ୍ବାଦିକ ତାଙ୍କୁ ଘେରି ଏପରି କରିବା ପଛର କାରଣ ପଚାରିଥିଲେ । ସାମ୍ବାଦିକଙ୍କ ନାମ ପଓ୍ଵନ ଭରଦ୍ୱାଜ ବୋଲି ଜଣା ପଡ଼ିଥିବା ବେଳେ ତାଙ୍କୁ ଏପରି କରିବା ପଛର କାରଣ ପଚରାଯାଇଥିଲା ।
ଏହାର ଉତ୍ତର ରଖି, “ତନୁଶ୍ରୀଙ୍କ ଟିମ୍ ଆମ ଟିମ୍ ସହ ଅଯଥା ବିବାଦ କରିଥିବାରୁ ମୁଁ ଏପରି କରିଥିଲି ବୋଲି ଉତ୍ତର ରଖିଥିଲେ ପଓ୍ଵନ । ଆମେ ଷ୍ଟୁଡ଼ିଓରେ ଗୀତର ସୁଟିଂକୁ କଭର କରିବା ପାଇଁ ଯାଇଥିଲୁ । କିନ୍ତୁ ଭିତରେ କ’ଣ ଘଟିଥିଲା ତାହା ଆମକୁ ଜଣା ନଥିଲା । ଏହି ସମୟରେ ତନୁଶ୍ରୀ ଏବଂ ତାଙ୍କ ବାପା ଷ୍ଟୁଡ଼ିଓରୁ ବାହାରିଥିଲେ । ଆମକୁ ଦେଖି ବିନା କାରଣରେ ତନୁଶ୍ରୀଙ୍କ ସୁରକ୍ଷାକର୍ମୀ ମୋର ଜଣେ ସାମ୍ବାଦିକ ବନ୍ଧୁଙ୍କୁ ମାଡ଼ ମାରିବା ସହ ତନୁଶ୍ରୀଙ୍କ ବାପା ମୋ କ୍ୟାମେରାକୁ ଭାଙ୍ଗି ଦେଇଥିଲେ । ମୁଁ ପ୍ରାୟତଃ ବେହୋସ ହୋଇ ଯାଇଥିଲି । କିନ୍ତୁ ସେଠାରେ ଥିବା କିଛି ଲୋକ ମୋ ଉପରେ ପାଣି ପକାଇ ମୋତେ ହୋସକୁ ଆଣିଥିଲେ । ପରେ ସେମାନଙ୍କ କାର୍ ଷ୍ଟୁଡ଼ିଓର ଗେଟ୍ ବାହାରେ ଠିଆ ହୋଇଥିବା ଜାଣି ମୁଁ ରାଗରେ ତାଙ୍କ କାର୍କୁ ଭାଙ୍ଗିବା ସହ ଚକାରୁ ପବନ ବାହାର କରିଥିଲି” ବୋଲି ପବନ ସ୍ୱୀକାର କରିଛନ୍ତି ।