ଏବେ ସେଲିବ୍ରିଟିମାନଙ୍କୁ ସୁଟିଂ ସେଟ୍ରେ ଅପେକ୍ଷା କରାଉ ନାହାନ୍ତି କପିଲ, ଅଭିନେତ୍ରୀ ଜୁହି ଚାଓ୍ଵଲା କାରଣ ଜଣାଇବା ପରେ ହସିବାକୁ ଲାଗିଲେ ଲୋକେ
ମୁମ୍ବାଇ : ଭାରତର ଜଣାଶୁଣା ହାସ୍ୟ ଅଭିନେତା କପିଲ ଶର୍ମା ଏବେ ନିଜ ନୂଆ ସୋ’ ଦ କପିଲ ଶର୍ମା ସୋ’କୁ ନେଇ ଚର୍ଚ୍ଚାରେ ରହିଛନ୍ତି । ଗୋଟେ ବର୍ଷ ପରଦାଠାରୁ ଦୂରରେ ରହିବା ପରେ କପିଲ ପରଦାକୁ ଫେରିଥିଲେ । ନିଜ ପ୍ରେମିକା ଗିନ୍ନି ଚତ୍ରଥ୍ଙ୍କୁ ବିବାହ କରିବା ପରେ ତାଙ୍କ ସୋ’ର ପ୍ରସାରଣ କରା ଯାଇଥିଲା । ଏତେ ଦିନ ପରେ ପରଦାକୁ ଫେରିଥିବା ବେଳେ ଲୋକମାନଙ୍କ ଭଲ ପାଇବା ମିଳିବ କି ନାହିଁ ମନରେ ଦ୍ୱନ୍ଦ ରହିଥିଲା । କିନ୍ତୁ ସୋ’ର ପ୍ରସାରଣ ହେବାର ଗୋଟେ ସପ୍ତାହ ପରେ ହିଁ ସୋ’ ଲୋକପ୍ରିୟତାରେ ଏକ ନମ୍ବର ରହିଥିଲା । ପୂର୍ବରୁ କପିଲ ନିଜ ସୋ’ର ପ୍ରଯୋଜନା ନିଜେ କରୁଥିବା ବେଳେ ପରେ ସଲମାନଙ୍କ ପ୍ରଯୋଜନା ସଂସ୍ଥା ତାଙ୍କ ସୋ’ର ପ୍ରଯୋଜନା ଦାୟିତ୍ୱରେ ରହିଛନ୍ତି । ତେବେ କପିଲ ନିକଟ ଅତୀତରେ ଅନେକ କାରଣ ପାଇଁ ଚର୍ଚ୍ଚାରେ ରହିଥିବା ବେଳେ ଏବେ ଅଭିନେତ୍ରୀ ଜୁହୀ ଚାଓ୍ଵଲା ତାଙ୍କୁ ନେଇ ଖୁଲାସା କରିଥିବା କଥାକୁ ନେଇ ସେ ଚର୍ଚ୍ଚାରେ ରହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଜୁହି ଚାଓ୍ଵଲା କପିଲଙ୍କ ସୋ’ରେ ଯୋଗ ଦେଇଥିବା ବେଳେ ଆଗ ଭଳି ଏବେ ସେଲିବ୍ରିଟିମାନଙ୍କୁ ଅପେକ୍ଷା କରାଉ ନଥିବା କହିଥିଲେ । ଆଗରୁ କପିଲ ସେଟ୍କୁ ରାତି ୧୧ଟାରେ ଆସୁଥିବା ବେଳେ ସୁଟିଂ ଭୋର ୩ଟା ପର୍ଯ୍ୟନ୍ତ ଚାଲେ । କିନ୍ତୁ ଏବେ ମୋତେ କପିଲଙ୍କ କ୍ରିଉ ମେମ୍ବର ଫୋନ କରି ସଂନ୍ଧ୍ୟା ୭ଟାରେ ଆସିବା ପାଇଁ କହିଥିଲେ । କାରଣ ବିବାହ ପରେ କପିଲଙ୍କୁ ୧୦ଟାରେ ଘରକୁ ଯିବାକୁ ପଡ଼ୁଛି । କ୍ରିଉ ମେମ୍ବରଙ୍କଠାରୁ ଏ କଥା ଶୁଣି ମୁଁ ଏହା ଗିନ୍ନି ଇଫେକ୍ଟ୍ସ ବୋଲି କହିଥିଲି । ଜୁହିଙ୍କ ଏ କଥା ଶୁଣି ଉପସ୍ଥିତ ଲୋକଙ୍କ ସମେତ କପିଲ ମଧ୍ୟ ହସିବାକୁ ଲାଗିଥିଲେ ।