ଏହି କାରଣ ପାଇଁ ନିଜ ଘର ଛାଡ଼ି ୨ବର୍ଷ ପାଇଁ ଭଡ଼ା ଘରେ ରହିବାର ଯୋଜନା କରୁଛନ୍ତି ଅଜୟ ଦେବଗନ୍
ମୁମ୍ବାଇ : କିଛି ଦିନ ତଳେ ଅଜୟ ଦେବଗନ୍ଙ୍କ ଫିଲ୍ମ ‘ଟୋଟାଲ ଧମାଲ’ ରିଲିଜ୍ ହୋଇଥିଲା । ଯାହା ଆଶାଠାରୁ ବକ୍ସ ଅଫିସରେ ଅଧିକ ଆୟ କରିଥିଲା । ଏବେ ତାଙ୍କର ଆଉ ଏକ ଫିଲ୍ମ ‘ଦେ ଦେ ପ୍ୟାର୍ ଦେ’ ରିଲିଜ୍ ଅପେକ୍ଷାରେ ରହିଥିବା ବେଳେ ତାଙ୍କୁ ନେଇ ଏକ ବଡ଼ ଖବର ସାମ୍ନାକୁ ଆସିଛି । ଅଜୟ ଦେବଗନ୍ ନିଜ ଘର ଛାଡ଼ି ଭଡ଼ା ଘର ଖୋଜୁଥିବା ଜଣାପଡ଼ିଛି । ଭଡ଼ା ଘର ତାଙ୍କୁ ମୁମ୍ବାଇର ଜୁହୁରେ ଦରକାର ଥିବା ବେଳେ ସଠିକ୍ ଦାମ୍ରେ ତାଙ୍କୁ ଘର ମିଳି ପାରୁ ନଥିବାରୁ ଚିନ୍ତାରେ ପଡ଼ି ଯାଇଛନ୍ତି ଅଜୟ ଦେବଗନ୍ । ହଠାତ୍ ଭଡ଼ା ଘର କ’ଣ ଦରକାର ପଡ଼ିଲା ବୋଲି ତାଙ୍କ ପ୍ରଶଂସକମାନଙ୍କ ମଧ୍ୟରେ ନାନା ଚର୍ଚ୍ଚା ଲାଗି ରହିଥିବା ବେଳେ ପ୍ରକୃତ କାରଣ ସାମ୍ନାକୁ ଆସିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଜୟ ଦେବଗନ୍ ରହୁଥିବା ଘରର ଡିଜାଇନ୍ରେ କିଛି ପରିବର୍ତ୍ତନ ଆଣିବା ପାଇଁ ଚାହୁଁଥିବାରୁ ୨ବର୍ଷ ପାଇଁ ଭଡ଼ା ଘର ଖୋଜୁଥିବା ଜଣାପଡ଼ିଛି । ନିଜ ଘର ଜୁହୁରେ ଥିବାରୁ ସେ ଜୁହୁରେ ହିଁ ଭଡ଼ା ଘର ନେବା ପାଇଁ ଚେଷ୍ଟା ଚଳାଇଛନ୍ତି । କିନ୍ତୁ ଏ ପର୍ଯ୍ୟନ୍ତ ତାଙ୍କୁ ସଫଳତା ମିଳିପାରିନାହିଁ ।