କଙ୍ଗନାଙ୍କ ବିବାଦୀୟ ବୟାନ: ରଣବୀରଙ୍କୁ ୩୭ ଆଲିଆଙ୍କୁ ୨୭ବର୍ଷ, ସେମାନେ ଯୁବ କଳାକାର କେମିତି ହେଲେ? ୨୭ବର୍ଷ ବୟସରେ ତ ମୋ ମା’ ୩ଟି ସନ୍ତାନ ଜନନୀ ବନି ଯାଇଥିଲେ
ମୁମ୍ବାଇ : ସବୁବେଳେ କୌଣସି ବିଷୟକୁ ନେଇ ମନ ଖୋଲି ନିଜର ମତ ରଖିଥାନ୍ତି ଅଭିନେତ୍ରୀ କଙ୍ଗନା ରାଣାଓ୍ଵତ୍ । କଥାଟି ଯେତେ ବିବାଦୀୟ ହେଲେ ମଧ୍ୟ ସେ ତାହାର ପରିଣାମ କଥା ଭାବନ୍ତି ନାହିଁ । ନିକଟ ଅତୀତରେ ସେ ଏମିତି ଅନେକ ବୟାନବାଜି କରିଛନ୍ତି, ଯାହା ପରେ ବିବାଦର ରୂପ ନେଇଛି । ଏବେ ପୁଣି ସେ ଅଭିନେତା ରଣବୀର କପୁର ଏବଂ ଅଭିନେତ୍ରୀ ଆଲିଆ ଭଟ୍ଟଙ୍କୁ ଟାର୍ଗେଟ କରି ଏକ ବଡ଼ ବୟାନ ଦେଇଛନ୍ତି । ଦୁହିଁଙ୍କ ବୟସକୁ ନେଇ ସେ ଥଟ୍ଟା କରିବା ସହ ସେମାନଙ୍କୁ ଯୁବ କଳାକାର କିପରି କୁହାଯିବ ବୋଲି ପ୍ରଶ୍ନ କରିଛନ୍ତି । ମିଡ୍ ଡେକୁ ଏକ ସାକ୍ଷାତକାର ଦେଇ କଙ୍ଗନା ଏଭଳି ବିବାଦୀୟ ବୟାନ ରଖିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ରଣବୀର ଏବଂ ଆଲିଆଙ୍କୁ ଯୁବ କଳାକାର କୁହାଯିବା ପରେ କଙ୍ଗନା ବିରକ୍ତ ହେବା ସହ, ରଣବୀରଙ୍କୁ ୩୭ବର୍ଷ ଏବଂ ଆଲିଆ ୨୭ । ୨୭ବର୍ଷ ବୟସରେ ତ ମୋ ମା’ ୩ଟି ସନ୍ତାନର ମା’ ବନି ଯାଇଥିଲେ । ସେମାନଙ୍କୁ ଯୁବ କଳାକାର କହିବା ସଂପୂର୍ଣ୍ଣ ଭୁଲ ବୋଲି କହିଥିଲେ କଙ୍ଗନା । ସୂଚନା ମୁତାବକ, ଆଲିଆ ଏବଂ ରଣବୀର କଙ୍ଗନାଙ୍କ ଫିଲ୍ମ ‘ମଣିକର୍ଣ୍ଣିକା’ ରିଲିଜ୍ ହେବା ପରେ ନ ଦେଖିବା ସହ ତାଙ୍କୁ ସମର୍ଥନ କରି ନ ଥିଲେ, ଯାହା ପରଠାରୁ କଙ୍ଗନା ଦୁହିଁଙ୍କୁ ନେଇ ବିବାଦୀୟ ବୟାନ ଦେବା ଆରମ୍ଭ କରିଛନ୍ତି ।