ନିଜ ଜୀବନକୁ ବାଟକୁ ଆଣିବା ପାଇଁ ବଲିଉଡ୍ର ଏହି କଳାକାରଙ୍କୁ ଗୁରୁ କଲେ କପିଲ, ସକାଳୁ ରାତି ପର୍ଯ୍ୟନ୍ତ ତାଙ୍କୁ କରୁଛନ୍ତି ଅନୁସରଣ
ମୁମ୍ବାଇ : ହାସ୍ୟ ଅଭିନେତା କପିଲ ଶର୍ମା ଖୁବ୍ ଶୀଘ୍ର ପରଦାକୁ ଫେରୁଥିବା କଥା ସମସ୍ତେ ଜାଣିବା ପରେ ତାଙ୍କ ପ୍ରଶଂସକମାନଙ୍କ ମଧ୍ୟରେ ଉତ୍ସାହ ବଢ଼ିବାରେ ଲାଗିଛି । କେବେ କପିଲ ନିଜର ନୂଆ ସୋ’ ନେଇ ପରଦାକୁ ଆସିବେ ତାହା ଘୋଷଣା କରାଯାଇ ନ ଥିବା ବେଳେ ଏବେ ସେ ନିଜ ପରିବର୍ତ୍ତିତ ଜୀବନଧାରା ବିଷୟରେ ଘୋଷଣା କରିଥିବା ଦେଖାଯାଇଛି ।
Sambad is now on WhatsApp
Join and get latest news updates delivered to you via WhatsApp
Chalo bye ..it’s time to sleep now.. good night .. following @akshaykumar Paji these days ?
— KAPIL (@KapilSharmaK9) 21 September 2018
ଅବାଟକୁ ଚାଲି ଯାଇଥିବା ଜୀବନକୁ ବାଟକୁ ଆଣିବା ପାଇଁ କପିଲ ଜଣେ ବଲିଉଡ୍ କଳାକାରଙ୍କୁ ଅନୁସରଣ କରୁଥିବା କଥା ଟ୍ଵିଟ୍ କରି ଜଣାଇଛନ୍ତି । ତାଙ୍କ ଜୀବନରେ ସେ ଯାହା ବି ଭୁଲ କରିଛନ୍ତି ତାକୁ ସୁଧାରିବା ସହ ସେଭଳି ଭୁଲ ଯେପରି ଆଗକୁ ନ ହେଉ ସେ ନେଇ ସେ ଅଭିନେତା ଅକ୍ଷୟ କୁମାରଙ୍କୁ ଅନୁସରଣ କରୁଥିବା କହିଛନ୍ତି । ଅଭିନେତା ଅକ୍ଷୟ କୁମାର ନିଜର ପୂରା ଦିନ କେମିତି କାଟନ୍ତି ତାହା ଜାଣି ନିଜର ଦିନଚର୍ଯ୍ୟା ସେପରି କରିଛନ୍ତି କପିଲ । ନିଜ ସ୍ୱାସ୍ଥ୍ୟକୁ ଧ୍ୟାନରେ ରଖି କପିଲ ଶୀଘ୍ର ଶୋଇ ଶୀଘ୍ର ଉଠୁଥିବା କହିଛନ୍ତି । ବ୍ୟକ୍ତିଗତ ଭାବରେ ଅକ୍ଷୟ କପିଲଙ୍କୁ ଏପରି କରିବାକୁ କହି ନଥିଲେ ମଧ୍ୟ କପିଲ ତାଙ୍କୁ ଅନୁସରଣ କରୁଥିବା ସ୍ୱୀକାର କରିଛନ୍ତି । ଏବେ ଶୋଇବାର ସମୟ ଆସିଗଲା…..ଶୁଭରାତ୍ରୀ….ଏଇ କିଛି ଦିନ ହେବ ଅକ୍ଷୟ ପାଜିଙ୍କୁ ଅନୁସରଣ କରୁଛି ବୋଲି ଲେଖି କପିଲ ଟ୍ଵିଟ୍ କରିବା ପରେ ଏହି ଖବର ସାମ୍ନାକୁ ଆସି ପାରିଥିଲା ।