ପୁଣି ବିବାଦରେ କପିଲ: ନିଜ ଫ୍ୟାନ୍ଙ୍କୁ ସେଲ୍ଫି ନେବାକୁ ରୋକିବା ସହ କଲେ ଦୁର୍ବ୍ୟବହାର
ମୁମ୍ବାଇ: ପ୍ରାୟ ଗୋଟେ ବର୍ଷର ବ୍ୟବଧାନ ପରେ ପୁଣି ପରଦାକୁ ଫେରିଛନ୍ତି ହାସ୍ୟ ଅଭିନେତା କପିଲ ଶର୍ମା । ଏତେ ଦିନର ବ୍ୟବଧାନ ପରେ ସେ ପରଦାକୁ ଫେରିଥିଲେ ମଧ୍ୟ ତାଙ୍କ ସୋ’କୁ ପୂର୍ବ ଭଳି ଭଲ ପାଇବା ମିଳୁଥିବା ଦେଖା ଯାଇଥିଲା । ପୂର୍ବରୁ କପିଲ ନିଜ ସୋ’ର ପ୍ରଯୋଜନା ନିଜେ କରୁଥିବା ବେଳେ ଏବେ ଦବଙ୍ଗ ଷ୍ଟାର ସଲମାନ ତାଙ୍କ ସୋ’ର ପ୍ରଯୋଜନା ଦାୟିତ୍ୱ ତୁଲାଉଥିବା ଜଣା ପଡ଼ିଛି । ତେବେ ଏତେ ହେଲା ପରେ ମଧ୍ୟ କପିଲ ପୁଣି ଥରେ କିଛି ଭୁଲ କରିଥିବା ଦେଖା ଯାଇଛି ।
Sambad is now on WhatsApp
Join and get latest news updates delivered to you via WhatsApp
ଯାହା ପାଇଁ ତାଙ୍କୁ ନେଇ ବିବା ଆରମ୍ଭ ହୋଇଛି। ଜଣେ ପ୍ରଶଂସକ କପିଲଙ୍କୁ ଦେଖି ସେଲ୍ଫି ପାଇଁ କହିବା ପରେ କପିଲ ରାଗରେ ତାଙ୍କୁ ମନା କରି ଦେଇଥିଲେ । ଯାହା ପରେ କପିଲଙ୍କ ଏଭଳି ବ୍ୟବହାର ତାଙ୍କ ପ୍ରଶଂସକଙ୍କୁ ଖରାପ ଲାଗିଥିଲା । କପିଲ ସେଲ୍ଫି ଦେବା ପାଇଁ ମନା କରି ଚାଲି ଯାଇଥିବା ବେଳେ ସବୁ ଦିନ ଭଳି ଅଭିନେତା ରଣବୀର ସିଂହ ନିଜ ପ୍ରଶଂସକମାନଙ୍କ ପାଖକୁ ଯାଇ ତାଙ୍କ ସହ କଥା ହେବା ଫଟୋ ଉଠାଇଥିଲେ । କପିଲ ଯଦି ନିଜର ଏଭଳି ବ୍ୟବହାରରେ ପରିବର୍ତ୍ତନ ନ ଆଣନ୍ତି, ତେବେ ତାଙ୍କ କ୍ୟାରିୟର ଉପରେ ଏହା ପ୍ରଭାବ ପକାଇବା ବୋଲି ଲୋକେ କହିବା ଆରମ୍ଭ କରିଛନ୍ତି । ସୂଚନା ମୁତାବକ, ରିୟଲ ଇଷ୍ଟେଟ୍ ପ୍ରଫେସନାଲ ତରଫରୁ ରଖା ଯାଇଥିବା ଏକ ପାର୍ଟିକୁ କପିଲ ଯାଇଥିବା ବେଳେ ଏହି ଘଟଣା ଘଟିଥିଲା ।