କଥା କଥାରେ ନିଜ ମନର ଦୁଃଖ ବିଷୟରେ କହିଦେଲେ ଅର୍ଚ୍ଚନା ପୂରଣ ସିଂହ, କହିଲେ; ସିଦ୍ଧୁଙ୍କ ଭଳି କାମ ମୁଁ ବି କରୁଛି, କିନ୍ତୁ ସେତେ ଅଧିକ ଟଙ୍କା ମିଳୁ ନାହିଁ
ମୁମ୍ବାଇ : ପୁଲଓ୍ଵାମା ଆକ୍ରମଣକୁ ନେଇ ପୂର୍ବତନ କ୍ରିକେଟର ନବ୍ଜୋତ୍ ସିଂହ ସିଦ୍ଧୁ ପାକିସ୍ତାନକୁ ସମର୍ଥନ କରିବା ଭଳି ବୟାନ ଦେଇ ‘ଦ କପିଲ ଶର୍ମା ସୋ’ରୁ ବାହାର ହୋଇ ଯାଇଥିଲା । ଏହା ପରେ ତାଙ୍କ ସ୍ଥାନରେ ଅଭିନେତ୍ରୀ ଅର୍ଚ୍ଚନା ପୂରଣ ସିଂହଙ୍କୁ ଅଣା ଯାଇଥିଲା । ତାଙ୍କ ସ୍ଥାନ ନେଇଥିଲେ ମଧ୍ୟ ତାଙ୍କୁ ସିଦ୍ଧୁଙ୍କ ଭଳି ଟଙ୍କା ମିଳୁ ନଥିବା କହିଛନ୍ତିି ଅର୍ଚ୍ଚନ । କଥା କଥାରେ ସେ ନିଜର ମନ କଥା ସମସ୍ତଙ୍କୁ କହି ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଭିନେତା ଜନ୍ ଆବ୍ରାହିମ୍ ଏବଂ ମୌନୀ ରଏ ନିଜ ଫିଲ୍ମ ‘ରୋମିଓ ଅକ୍ବର ଓ୍ଵାଲଟର’ର ପ୍ରମୋସନ ପାଇଁ ‘ଦ କପିଲ ଶର୍ମା ସୋ’ରେ ପହଞ୍ଚିଥିଲେ । ଏହି ସମୟରେ କପିଲ ଶର୍ମା ମୌନିଙ୍କୁ ସୁପରପାଓ୍ଵାର ଦିଆଗଲେ ସେ କ’ଣ ହେବାକୁ ଚାହିଁବେ ବୋଲି ପଚାରିଥିଲେ । ଏହାର ଉତ୍ତର ଦେବାକୁ ଯାଇ ସେ ଜଣେ ହଲିଉଡ୍ କଳାକାରଙ୍କ ନାଁ କହିଥିଲେ । ଏହି ପ୍ରଶ୍ନ ଜନ୍ଙ୍କୁ ପଚରାଯିବା ପରେ ଜନ୍ ମୁଁ କପିଲ ଶର୍ମା ହେବାକୁ ଚାହିଁବି ବୋଲି କହିଥିଲେ ଜନ୍ । ପରେ ସମାନ ପ୍ରଶ୍ନ ଅର୍ଚ୍ଚନାଙ୍କୁ ପଚରାଯିବା ପରେ ସେ ନବ୍ଜୋତ୍ ସିଂହ ସିଦ୍ଧୁ ହେବାକୁ ଚାହିଁବେ ବୋଲି କହିଥିଲେ । କାରଣ ଜଣାଇବାକୁ ଯାଇ, “ମୁଁ ସିଦ୍ଧୁଙ୍କ ଭଳି କାମ କରୁଛି । କିନ୍ତୁ ତାଙ୍କୁ ଦିଆଯାଉଥିବା ଟଙ୍କା ମୋତେ ମିଳୁ ନାହିଁ । ସିଦ୍ଧୁ ହୋଇଗଲେ ଅତିକମ୍ରେ ମୋତେ ଅଧିକ ଟଙ୍କା ତ ମିଳିବ” ବୋଲି କହିଥିଲେ ଅର୍ଚ୍ଚନା । ଥଟ୍ଟାରେ ହେଲେ ବି ସେ ନିଜ ମନର ଦୁଃଖ କଥା କହିଦେଲେ ବୋଲି ଲୋକେ ଏବେ କହିବା ଆରମ୍ଭ କରିଛନ୍ତି ।