‘କେଦାରନାଥ’ ରିଲିଜ୍ ପରେ ପୁଣି ଚଳଚ୍ଚିତ୍ର ‘ଡ୍ରାଇଭ୍’କୁ ରିଲିଜ୍ କରାଇବେ କି ନାହିଁ ଚିନ୍ତାରେ କରଣ, ଉଦାସ କରାଉଛି ସୁଶାନ୍ତଙ୍କ ମାନ୍ଦା ଅଭିନୟ
ମୁମ୍ବାଇ : ବକ୍ସ ଅଫିସକୁ ଭିନ୍ନ ଧରଣର ଫିଲ୍ମ ଆଣିବା ଏବଂ ନବାଗତାମାନଙ୍କୁ ଫିଲ୍ମରେ ସୁଯୋଗ ଦେଉଥିବା ନିର୍ଦ୍ଦେଶକ-ପ୍ରଯୋଜକ କରଣ ଜୋହର ଏବେ ନିଜର ଏକ ଫିଲ୍ମକୁ ବର୍ଷେ ହେଲାଣି ରିଲିଜ୍ କରି ପାରୁ ନଥିବା ଜଣାପଡ଼ିଛି । ଫିଲ୍ମର ନାମ ‘ଡ୍ରାଇଭ୍’ ଥିବା ବେଳେ ମୁଖ୍ୟ ଭୂମିକାରେ ଅଭିନେତା ସୁଶାନ୍ତ ସିଂହ ରାଜପୁତ୍ ଏବଂ ଅଭିନେତ୍ରୀ ଜାକ୍ଲିନ୍ ଫର୍ଣ୍ଣାଡିଜ୍ ଥିବା ଜଣାପଡ଼ିଛି। ୨୦୧୭ରୁ ଫିଲ୍ମର ସବୁ କାମ ସରିଥିଲେ ବି ବିଭିନ୍ନ କାରଣ ପାଇଁ ଏହା ରିଲିଜ୍ ହୋଇ ପାରୁନାହିଁ । ସୁଟିଂ ପରେ ଏହାର କିଛି ଦୃଶ୍ୟକୁ ଆଉ ଥରେ ରି-ସୁଟ୍ କରିବା ପାଇଁ ମଧ୍ୟ ଚିନ୍ତା କରିଥିଲେ କରଣ । ବିଦେଶରେ ଫିଲ୍ମର ଏକାଧିକ ଦୃଶ୍ୟର ସୁଟିଂ ହୋଇଥିଲା। ପରେ କିଛି ଦୃଶ୍ୟକୁ ରି-ସୁଟ୍ ବି କରାଯାଇଛି। ତେବେ, ୨୦୧୮ରେ ଫିଲ୍ମଟି ରିଲିଜ୍ ହେବ ବୋଲି ଶୁଣାଯାଇଥିଲା। ମାତ୍ର ଏବେ ଫିଲ୍ମ ‘କେଦାରନାଥ’ ରିଲିଜ୍ ହେବା ପରେ କରଣ ଜୋହର ପୁଣି ଥରେ ପଛଘୁଞ୍ଚା ଦେଉଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କିଛି ବର୍ଷ ହେଲାଣି ସୁଶାନ୍ତଙ୍କ ଫିଲ୍ମ କ୍ୟାରିୟର ମାନ୍ଦା ହୋଇ ପଡ଼ିଥିବା ବେଳେ ଅନେକ ନିର୍ଦ୍ଦେଶକ ତାଙ୍କ ସହ ଫିଲ୍ମ କରିବାକୁ ପଛଘୁଞ୍ଚା ଦେଉଛନ୍ତି । ଫିଲ୍ମ ‘କେଦାରନାଥ’ ପରେ ସୁଶାନ୍ତଙ୍କ ମାନ୍ଦାବସ୍ଥା ଦୂର ହେବ ବୋଲି ଭାବି କରଣ ‘କେଦାରନାଥ’ ପରେ ନିଜର ଫିଲ୍ମ ‘ଡ୍ରାଇଭ୍’କୁ ରିଲିଜ୍ କରିବେ ବୋଲି ଭାବିଥିଲେ । କିନ୍ତୁ ଫିଲ୍ମରେ ସୁଶାନ୍ତଙ୍କ ପ୍ରଦର୍ଶନ କାହାକୁ ସେତେଟା ଖାସ୍ ନ ଲାଗିବା ହେତୁ ଏବେ କରଣ ପୁଣି ତାଙ୍କର ‘ଡ୍ରାଇଭ୍’ ଫିଲ୍ମ ରିଲିଜ୍କୁ ନେଇ ଚିନ୍ତାରେ ପଡ଼ି ଯାଇଛନ୍ତି।