ମୋର ସୋସିଆଲ ମିଡିିଆରେ ଆକାଉଣ୍ଟ ନାହିଁ ବୋଲି କହିଥିଲେ କରୀନା, ଯାହାକୁ ମିଛ ବୋଲି କହିଲେ ସୈଫ୍ !
ମୁମ୍ବାଇ : ଆଜିକାଲି ସୋସିଆଲ ମିଡିିଆ ବ୍ୟବହାରକାରୀଙ୍କ ସଂଖ୍ୟା ବଢ଼ିବାରେ ଲାଗିଛି । ସାଧାରଣ ଲୋକ ହୁଅନ୍ତୁ ବା ସେଲିବ୍ରିଟି ସମସ୍ତେ ନିଜ ନିଜର ପ୍ରଡ଼କ୍ଟ ବା ଫିଲ୍ମର ପ୍ରମୋସନ କରିବା ପାଇଁ ସୋସିଆଲ ମିଡ଼ିଆକୁ ମାଧ୍ୟମ ଭାବେ ବ୍ୟବହାର କରିଥାନ୍ତି । କିନ୍ତୁ ବଲିଉଡ୍ର ହଟ୍ ନାୟିକା କରୀନା କପୁର ଖାନ୍ଙ୍କ କୌଣସି ସୋସିଆଲ ମିଡ଼ିଆ ଆକାଉଣ୍ଟ ନଥିବା ଖବରକୁ କେହି ହଜମ କରି ପାରି ନାହାନ୍ତି । କିଛି ଦିନ ତଳେ ତାଙ୍କର କୌଣସି ସୋସିଆଲ ମିଡ଼ିଆ ଆକାଉଣ୍ଟ ନଥିବା କହିବା ସହ ଏହା ଦ୍ୱାରା ମୁଁ ସବୁ ସ୍ଥାନରେ ରହିଛି ବୋଲି କହିଥିଲେ । ଲୋକମାନଙ୍କର ସୋସିଆଲ ମିଡିିଆ ଆକାଉଣ୍ଟ ଥିବାରୁ ସେମାନେ ସବୁ ସ୍ଥାନରେ ଥାଇ ମଧ୍ୟ କେଉଁଠି ବି ନଥାନ୍ତି । ସମସ୍ତଙ୍କୁ ଜାଣି ପାରନ୍ତି ନାହିଁ କି ସମୟ ଦେଇ ପାରନ୍ତି ନାହିଁ । ସେଥିପାଇଁ ମୁଁ ସୋସିଆଲ ମିଡ଼ିଆ ଆକାଉଣ୍ଟ କରେ ନାହିଁ ବୋଲି କରୀନା କହିଥିଲେ । ଯାହାକୁ ଏବେ ମିଛ ବୋଲି କହିଛନ୍ତି ସୈଫ୍ । କରୀନାଙ୍କ ଏକ ସିକ୍ରେଟ ଇନ୍ଷ୍ଟା ଆକାଉଣ୍ଟ ଥିବା ସହ ସେ ମଡ଼େଲ କାଇଲି ଜେନରଙ୍କ ପ୍ରୋଫାଇଲ ଚେକ୍ କରିବାକୁ ତାହା ବ୍ୟବହାର କରିଥାନ୍ତି ବୋଲି ସୈଫ୍ ଖୁଲାସା କରିଛନ୍ତି । ଏକ ସାକ୍ଷାତକାରରେ ସୈଫ୍ ଏହି ଖୁଲାସା କରିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଯେତେବେଳେ ସୈଫ୍ଙ୍କୁ ଇନ୍ଷ୍ଟାରେ ଆକାଉଣ୍ଟଥିବା କଥା ପଚରାଯାଇଥିଲା ସେତେବେଳେ ସେ କହିଥିଲେ, ‘କରୀନା ସବୁବେଳେ ମୋତେ ସୋସିଆଲ ମିଡ଼ିଆଠାରୁ ଦୂରରେ ରହିବା ପାଇଁ କହନ୍ତି । କିନ୍ତୁ ଥରେ ମୁଁ ଟିଭି ଦେଖୁଥିବା ସମୟରେ ସେ ନିଜ ଫୋନ ଦେଖି ଚାଲିଥିଲେ । ମୁଁ ପଚାରିବା ପରେ ସେ ଚାଇଲ୍ଡ଼୍ କେୟାରରୁ ଏକ ଆର୍ଟିକିଲ ପଢ଼ୁଥିବା କହିଥିଲେ । କିନ୍ତୁ ମୁଁ ସଫା ସଫା ଦେଖି ପାରୁଥିଲି କି ସେ କାଇଲି ଜେନରଙ୍କ ଫଟୋ ଦେଖୁଛନ୍ତି । ମୋତେ ଲାଗୁଛି କରୀନା ଇନ୍ଷ୍ଟାରେ ଆକ୍ଟିଭ୍ ଅଛନ୍ତି । କିନ୍ତୁ ସମସ୍ତଙ୍କୁ ମନା କରୁଛନ୍ତି।’