ବିଗ୍ ବିଙ୍କ ଖୁଲାସା : କେବିସିର ପ୍ରଥମ ସିଜିନ୍ରେ ଏହି ରୋଗ ପାଇଁ ବସି ପାରୁ ନଥିଲେ ଅମିତାଭ ବଚ୍ଚନ
ମୁମ୍ବାଇ : କିଛି ଦିନ ତଳେ ଆରମ୍ଭ ହୋଇଥିବା କେବିସିର ସିଜିନ୍-୧୧। ଏବେ ଲୋକଙ୍କ ହୃଦୟ ଜିତିବା ଆରମ୍ଭ କରିଛି । ଟିଆର୍ପି ତାଲିକାରେ ଉପରେ ରହିଥିବା ଏହି ସୋ’ର ଲୋକପ୍ରିୟତା ଦିନକୁ ଦିନ ବଢ଼ିବାରେ ଲାଗିଛି । ସୋ’ ସମୟରେ ପ୍ରଶ୍ନ ପଚାରିବା ସହ ନିଜ ବ୍ୟକ୍ତିଗତ ଜୀବନ ବିଷୟରେ ମଧ୍ୟ ଆଲୋଚନା କରିଥାନ୍ତି ବିଗ୍ ବି । ଯାହା ସୋ’ର ଲୋପ୍ରିୟତାକୁ ବଢ଼ାଇବାରେ ସାହାଯ୍ୟ କରିଥାଏ । ଏବେ ବିଗ୍ ବି ପୁଣି ଥରେ ଏକ ବଡ଼ ଖୁଲାସା କରିଛନ୍ତି । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ସିଜିନ୍-୧୧ରେ ନିଜର ଗମ୍ଭୀର ରୋଗ ବିଷୟରେ ଜଣାଇଛନ୍ତି ବିଗ୍ ବି ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ୨୦୦୦ମସିହାରେ ଯେତେବେଳେ କେବିସି ଆରମ୍ଭ ହୋଇଥିଲା, ସେତେବେଳେ ମୋ ପିଠିରେ ଗଭୀର ଯନ୍ତ୍ରଣା ଆରମ୍ଭ ହୋଇଥିଲା । ପ୍ରଥମେ ମୁଁ କେବିସିର ଏହି ଚେୟାରରେ ବସୁଥିବାରୁ ଯନ୍ତ୍ରଣା ହେଉଥିବା କଥା ଭାବିଥିଲି । କିନ୍ତୁ ପରେ ପରୀକ୍ଷା କରାଇବାରୁ ପ୍ରକୃତ ସମସ୍ୟା ସାମ୍ନାକୁ ଆସିଥିଲା । ପରୀକ୍ଷାରେ ମୁଁ ସ୍ପାଇନାଲ ଟ୍ୟୁବରକୁଲୋସିସ୍ ରୋଗରେ ପୀଡ଼ିତ ଥିବା ଜାଣିଥିଲି । ୪-୫ବର୍ଷ ଯାଞ୍ଚ କରିବା ପରେ ଯାଇ ମୋତେ ମୋ ସମସ୍ୟା ବିଷୟରେ ଜଣା ପଡ଼ିଥିଲା । ଯାହା ପରେ ମୋତେ ପ୍ରତିଦିନ ୭-୮ଟି ବଟିକା ଖାଇବାକୁ ପଡ଼ିଥିଲା । ଏବେ ମୋ ସମସ୍ୟାର ସମାଧାନ ହୋଇସାରିଛି ।