ଜାହ୍ନବୀଙ୍କ ପରେ ଏବେ ବଲିଉଡ୍ରେ ଡେବ୍ୟୁ କରିବେ ଖୁସି କପୁର, ହିରୋ ବାଛିବେ ବାପା
ମୁମ୍ବାଇ : ଦିବଂଗତ ଅଭିନେତ୍ରୀ ଶ୍ରୀଦେବୀ ଏବଂ ବୋନି କପୁରଙ୍କ ତନୟା ଖୁସି କପୁର ଏବେ ବଲିଉଡ୍ରେ ଡେବ୍ୟୁ କରିବାକୁ ଯାଉଥିବା ଜଣା ପଡ଼ିଛି। ବଡ଼ ଭଉଣୀ ଜାହ୍ନବୀଙ୍କ ପରେ ଏବେ ଖୁସି ଡେବ୍ୟୁ କରିବା ଖବରକୁ ନେଇ ଚର୍ଚ୍ଚା ଜୋର ଧରିଛି । କରଣ ଜୋହରଙ୍କ ଫିଲ୍ମରୁ ଖୁସି ଡେବ୍ୟୁ କରିବେ ବୋଲି ସ୍ପଷ୍ଟ କରିଥିବା ବେଳେ ତାଙ୍କ ବିପକ୍ଷରେ ହିରୋ କିଏ ହେବ ତାହା ଜଣା ପଡ଼ି ପାରି ନାହିଁ । ଖୁସିଙ୍କ ପାଇଁ ହିରୋ ତାଙ୍କ ବାପା ବୋନି କପୁର ବାଛିବେ ବୋଲି ଜଣାପଡ଼ିଛି । ତେବେ ଜାହ୍ନବୀ ମଧ୍ୟ କରଣ ଜୋହରଙ୍କ ଫିଲ୍ମ ‘ଧଡ଼କ’ରୁ ବଲିଉଡ୍ରେ ପାଦ ଦେଇଥିବା ବେଳେ ଖୁସି କେଉଁ ଫିଲ୍ମରେ ନଜର ଆସିବେ ତାହା ଦେଖିବାକୁ ବାକି ରହିଲା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଜାହ୍ନବୀ ଏବଂ ଖୁସି ଅଭିନେତ୍ରୀ ନେହା ଧୁପିଆଙ୍କ ଚାଟ୍ ସୋ’ରେ ନିଜ ବ୍ୟକ୍ତିଗତ ଜୀବନକୁ ନେଇ ଅନେକ କିଛି ଖୁଲାସା କରିଥିଲେ । ଏହା ସହ ବାପା ହିସାବରେ ବୋନି କପୁର ଖୁସିଙ୍କୁ ଅଧିକ ଭଲ ପାଇବା ସହ ତାଙ୍କ ପାଇଁ ଅଧିକ ଯତ୍ନଶୀଳ ବୋଲି ନିଜେ ଖୁସି ଜଣାଇଥିଲେ ।