ଅଭିନେତ୍ରୀ କିଆରା ଆଡ୍ଭାନୀଙ୍କ ମାଉସୀ ଥିଲେ ସଲମାନଙ୍କ ପ୍ରଥମ ପ୍ରେମିକା
ମୁମ୍ବାଇ : କିଛି ଦିନ ତଳେ ଟାଇମ୍ସ ଅଫ୍ ଇଣ୍ଡିଆ ନିଜର ଏକ ରିପୋର୍ଟରେ, ବିବାହ ନ କରି ସରୋଗେସୀ ମାଧ୍ୟମରେ ସଲମାନ ବାପା ହେବାକୁ ଯୋଜନା କରୁଥିବା କଥା କହିଥିଲା । ତେବେ ଏହା ତ ସମସ୍ତଙ୍କୁ ଜଣା ଯେ, ସଲମାନ ପିଲାମାନଙ୍କୁ କେତେ ପସନ୍ଦ କରନ୍ତି । କିନ୍ତୁ ଏହି ଖବରରେ କେତେ ସତ୍ୟତା ରହିଛି ତାହା ସ୍ପଷ୍ଟ ହୋଇ ପାରି ନଥିବା ବେଳେ ଏବେ ଆଉ ଏକ ଖବର ସାମ୍ନାକୁ ଆସିଛି । ଦବଙ୍ଗ ଷ୍ଟାର ସଲମାନ ଖାନ୍ ସର୍ବପ୍ରଥମେ ଅଭିନେତ୍ରୀ କିଆରା ଆଡ୍ଭାନୀଙ୍କ ମାଉସୀଙ୍କୁ ପସନ୍ଦ କରୁଥିଲେ ବୋଲି ଜଣା ପଡ଼ିଛି । ବିବାହ କରି ନଥିଲେ ମଧ୍ୟ ସବୁ ବେଳେ ନିଜର ପ୍ରେମ ସଂପର୍କକୁ ନେଇ ସଲମାନ ଚର୍ଚ୍ଚାରେ ରହିଥାନ୍ତି ।
Sambad is now on WhatsApp
Join and get latest news updates delivered to you via WhatsApp
ସଲମାନଙ୍କ ନାଁ, ସୋମୀ ଅଲ୍ଲୀ, ସଙ୍ଗୀତା ବିଜ୍ଲାନୀ, ଐଶ୍ୱର୍ଯ୍ୟା ରାୟ ଏବଂ କ୍ୟାଟ୍ରିନା କୈଫ୍ଙ୍କ ଭଳି ଅଭିନେତ୍ରୀଙ୍କ ସହ ଯୋଡ଼ା ଯାଇ ସାରିଥିବା ବେଳେ ତାଙ୍କର ପ୍ରଥମ ପ୍ରେମ ଶାହିନ୍ ଜଫରୀ ଥିଲେ ବୋଲି ଜଣା ପଡ଼ିଛି । ଶାହିନ ହେଉଛନ୍ତି ଦିଗ୍ଗଜ ଅଭିନେତା ଅଶୋକ କୁମାରଙ୍କ ନାତୁଣୀ । ସଲମାନ ୧୯ବର୍ଷ ବୟସରେ ଶାହିନୀଙ୍କୁ ମନ ଦେଇ ବସିଥିଲେ । ଦୁହେଁ ସମାନ କଲେଜରେ ପଢ଼ୁଥିବା ବେଳେ ଶାହିନଙ୍କ ପାଇଁ ସଲାମନ ଘଣ୍ଟା ଘଣ୍ଟା ଧରି କଲେଜ ବାହାରେ ଅପେକ୍ଷା କରୁଥିଲେ । କିଆରାଙ୍କ କହିବା ଅନୁଯାୟୀ, ଦୁହେଁ ପରସ୍ପରକୁ ଡେଟ୍ କରି ସାରିଛନ୍ତି ।