ଜି ଟିଭି ଧାରାବାହିକର ସଂସ୍କାରୀ ବୋହୂଙ୍କ ଟାେଓ୍ଵଲ ନାଚ ବେଳେ ଘଟିଲା ଅଘଟଣ: ନାୟିକାଙ୍କ ନାକ ଫାଟିଲା
ମୁମ୍ବାଇ : କିଛି ମାସ ପୂର୍ବରୁ ଜି ଟିଭିରେ ପ୍ରସାରଣ ଆରମ୍ଭ ହୋଇଛି ‘କୁଣ୍ଡଲୀ ଭାଗ୍ୟ’ ଧାରାବାହିକର ପ୍ରସାରଣ । ଏଥିରେ ମୁଖ୍ୟ ନାୟିକାଭାବେ ନଜର ଆସୁଛନ୍ତି ଶ୍ରଦ୍ଧା ଆର୍ଯ୍ୟ । ନିଜର ଅଭିନୟ ପାଇଁ ସବୁବେଳେ ଚର୍ଚ୍ଚାରେ ରହୁଥିବା ଶ୍ରଦ୍ଧା ଏହି ଧାରାବାହିକ ଆରମ୍ଭ ହେବା ପରେ ଦର୍ଶକଙ୍କ ଠାରୁ ଆହୁରି ଭଲପାଇବା ପାଇଛନ୍ତି । ସବୁବେଳେ ନିଜ ଅଭିନୟ ପାଇଁ ଚର୍ଚ୍ଚାରେ ରହୁଥିବା ଶ୍ରଦ୍ଧା ଏବେ ନିଜ ଟାେଓ୍ଵଲ ଡ଼୍ୟାନ୍ସ ଭିଡ଼ିଓ ପାଇଁ ଚର୍ଚ୍ଚାର ପରିସରକୁ ଆସିଛନ୍ତି ।
ଏହି ଭିଡ଼ିଓରେ ସେ ନିଜ ସାଙ୍ଗମାନଙ୍କ ସହ ରାଣୀ ମୁଖାର୍ଜୀ ଏବଂ ପ୍ରୀତି ଜିଣ୍ଟାଙ୍କ ଫିଲ୍ମର ଏକ ଗୀତରେ ନାଚୁଥିବାର ଦେଖିବାକୁ ମଳିଛି । ରାଣୀ ମୁଖାର୍ଜୀ ଏବଂ ପ୍ରୀତି ଜିଣ୍ଟାଙ୍କ ଗୀତ ‘ପିୟା ପିୟା….’ରେ କରିଥିବା ଷ୍ଟେପ୍କୁ କପି କରିବା ସହ ନିଜ ଦୁଇ ଜଣ ସାଙ୍ଗଙ୍କ ସହ ଟାେଓ୍ଵଲ ପିନ୍ଧି ଶ୍ରଦ୍ଧା ନାଚିଛନ୍ତି । କିନ୍ତୁ ନାଚୁଥିବା ବେଳେ ଭୁଲବଶତଃ ତାଙ୍କ ସାଙ୍ଗର ହାତ ତାଙ୍କ ମୁହଁରେ ବାଜି ଯିବାରୁ ତାଙ୍କ ନାକରେ ଗଭୀର ଆଘାତ ଲାଗିଥିଲା ବୋଲି ଭିଡ଼ିଓରେ ଦେଖିବାକୁ ମିଳିଛି ।
Sambad is now on WhatsApp
Join and get latest news updates delivered to you via WhatsApp
ଏହି ଭିଡ଼ିଓଟି ଶ୍ରଦ୍ଧା ନିଜ ଇନ୍ଷ୍ଟାଗ୍ରାମ ପେଜ୍ରେ ସେୟାର କରିଥିବା ବେଳେ ଏହାକୁ ଶେଷ ପର୍ଯ୍ୟନ୍ତ ଦେଖିବା ପାଇଁ ନିଜ ପ୍ରଶଂସକମାନଙ୍କୁ ନିବେଦନ କରିଥିଲେ । ଏହି ଭିଡିଓ ଅପ୍ଲୋଡ୍ ହେବା ପରେ ୨.୫ ମିଲିୟନ ଲୋକ ଦେଖିଥିବା ବେଳେ ଏହା ଧୀରେ ଧୀରେ ଭାଇରାଲ ହେବାରେ ଲାଗିଛି ।