ଏହି କାରଣ ପାଇଁ ମିସ୍ ଇଣ୍ଡିଆ ପ୍ରତିଯୋଗିତାରେ ଭାଗ ନେଇ ପାରି ନଥିଲେ ମଲ୍ଲାଇକା ଆରୋରା
ମୁମ୍ବାଇ : ବଲିଉଡ଼୍ର ସବୁଠାରୁ ଫିଟ୍ ଏବଂ ଷ୍ଟାଇଲିସ୍ ଅଭିନେତ୍ରୀ ଭାବେ ମଲ୍ଲାଇକା ଆରୋରାଙ୍କୁ ସମସ୍ତେ ଜାଣନ୍ତି । ଗଡ଼୍ ଫାଦର ନଥାଇ ମଧ୍ୟ ବଲିଉଡ଼୍ରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରି ପାରିଛନ୍ତି ମଲ୍ଲାଇକା । ଫିଲ୍ମରେ କମ ନଜର ଆସୁଥିଲେ ମଧ୍ୟ ରିୟଲିଟି ସୋ’ ଏବଂ ଆଇଟମ ଗୀତ ପାଇଁ ସେ ସବୁବେଳେ ଚର୍ଚ୍ଚାରେ ରହି ଆସିଛନ୍ତି । ଏତେ ଫିଟ୍ ଏବଂ ଏତେ ସୁନ୍ଦର ହୋଇ ମଧ୍ୟ ସେ କେବେ ହେଲେ କ’ଣ ପାଇଁ କୌଣସି ମିସ୍ ଇଣ୍ଡିଆ ପ୍ରତିଯୋଗିତାରେ ଭାଗ ନେଇ ନାହାନ୍ତି ସେ ନେଇ ତାଙ୍କୁ ପଚାରାଯିବା ପରେ ସେ ଏହା ପଛର କାରଣ ଜଣାଇଛନ୍ତି । ମିସ୍ ଇଣ୍ଡିଆ ପ୍ରତିଯୋଗିତାରେ ଭାଗ ନ ନେବାର ପ୍ରଥମ କାରଣ ହେଉଛି ମୋ ଉଚ୍ଚତା ।
Sambad is now on WhatsApp
Join and get latest news updates delivered to you via WhatsApp
ମିସ୍ ଇଣ୍ଡିଆ ପ୍ରତିଯୋଗିତାରେ ଭାଗ ନେବା ପାଇଁ ଯେତିକି ଉଚ୍ଚତା ରହିବା କଥା ମୋ ସେତିକି ଉଚ୍ଚତା ନଥିବାରୁ ମୁଁ ଚାହିଁ ମଧ୍ୟ ପ୍ରତିଯୋଗିତାରେ ଭାଗ ନେଇ ପାରି ନାହିଁ । ମିସ୍ ଇଣ୍ଡିଆ ପ୍ରତିଯୋଗିତାରେ ଭାଗ ନ ନେଇ ମଧ୍ୟ ସେ ମିସ୍ ଇଣ୍ଡିଆ ପ୍ରତିଯୋଗିତାରେ ଜଜ୍ ଭାବରେ ଦାୟିତ୍ୱ ତୁଲାଇ ସାରିଛନ୍ତି । ମିସ୍ ଇଣ୍ଡିଆ ନ ହୋଇ ମଧ୍ୟ ସବୁ ପ୍ରକାରର ଦକ୍ଷତା ତାଙ୍କ ପାଖରେ ଥିବା ସେ ସବୁ ସମୟରେ ପ୍ରମାଣ କରି ଆସିଛନ୍ତି ।