ରାତିରେ ରିକ୍ସା ଚାଳକ, ଦିନରେ ଅଭିନୟ : ଭିଡିଓ ସେୟାର କରି ଏହି ମରାଠୀ ଅଭିନେତ୍ରୀଙ୍କୁ ସୁପର ଲେଡି ବୋଲି କହିଲେ ବୋମାନ ଇରାନୀ
ମୁମ୍ବାଇ : ନିଜ ଇନ୍ଷ୍ଟା ଆକାଉଣ୍ଟରେ ଏକ ଭିଡିଓ ସେୟାର କରି ଚର୍ଚ୍ଚାରେ ରହିଛନ୍ତି ବଲିଉଡ୍ ଅଭିନେତା ବୋମାନ ଇରାନୀ । ଜଣେ ମହିଳା ଅଟୋ ରିକ୍ସା ଚାଳକଙ୍କ ଭିଡିଓ ସେୟାର କରି ତାଙ୍କୁ ସୁପର ଲେଡି ବୋଲି ଆଖ୍ୟା ଦେଇଛନ୍ତି ବୋମାନ। ମହିଳାଜଣକ କୌଣସି ସାଧାରଣ ମହିଳା ନୁହନ୍ତି, ବରଂ ଜଣେ ମରାଠୀ ଧାରବାହିକର ଅଭିନେତ୍ରୀ । ଦିନରେ ଅଭିନୟ କରିବା ସହ ରାତିରେ ମୁମ୍ବାଇରେ ଅଟୋ ଚଲାନ୍ତି ଲକ୍ଷ୍ମୀ । ତାଙ୍କର ପୂରା କାହାଣୀ ଜାଣି ଅନୁପ୍ରାଣିତ ହେବା ସହ ଭିଡିଓ ସେୟାର କରି ତାଙ୍କ ବିଷୟରେ ସମସ୍ତଙ୍କୁ ଜଣାଇଛନ୍ତି ବୋମାନ ଇରାନୀ ।
Sambad is now on WhatsApp
Join and get latest news updates delivered to you via WhatsApp
ପୋଷ୍ଟ କରାଯାଇଥିବା ଭିଡିଓର କ୍ୟାପ୍ସନରେ, ମୁଁ ଏହି ଅଦ୍ଭୁତ ସୁପର ଲେଡି ଲକ୍ଷ୍ମୀଙ୍କୁ ଭେଟିଲି, ଯିଏ ମରାଠୀ ଧାରାବାହିକରେ କାମ କରିବା ସହ ଅଟୋ ରିକ୍ସା ଚଳାଉଛନ୍ତି । ଲକ୍ଷ୍ମୀ ସମସ୍ତଙ୍କ ପାଇଁ ପ୍ରେରଣାଦାୟୀ ହେବା ସହ ରିୟଲ ଲାଇଫ୍ ହିରୋ ମଧ୍ୟ । ଆଶା କରୁଛି ଆପଣଙ୍କୁ ମଧ୍ୟ ଦିନେ ତାଙ୍କ ଅଟୋ ରିକ୍ସାରେ ବସିବାର ସୌଭାଗ୍ୟ ମିଳିବ । ଲକ୍ଷ୍ମୀ ତୁମ ଉପରେ ମୁଁ ଗର୍ବିତ ବୋଲି ଲେଖିଛନ୍ତି ବୋମାନ ଇରାନୀ ।