ଯୌନ ଶୋଷଣ ମାମଲାରେ ନାନା ପାଟେକରଙ୍କୁ କ୍ଲିନ୍ ଚିଟ୍ ମିଳିବା ଖବରକୁ ଗୁଜବ ବୋଲି କହିଲେ ତନୁଶ୍ରୀ
ମୁମ୍ବାଇ : ତନୁଶ୍ରୀ ଦତ୍ତା ନାନା ପାଟେକରଙ୍କ ଉପରେ ଲଗାଇଥିବା ଯୌନ ଶୋଷଣ ଅଭିଯୋଗ ମିଛ । କୌଣସି ପ୍ରମାଣ ନ ମିଳିବାରୁ ନାନା ପାଟେକରଙ୍କୁ କ୍ଲିନ୍ ଚିଟ୍ ମିଳିଛି ବୋଲି ଦୁଇ ଦିନ ତଳେ ଖବର ମିଳିଥିଲା । କିନ୍ତୁ ଏବେ ଚର୍ଚ୍ଚା ହେଉଥିବା ଖବରକୁ ଗୁଜବ ବୋଲି କହିଛନ୍ତି ଅଭିନେତ୍ରୀ ତନୁଶ୍ରୀ ଦତ୍ତା । ଏହା ସହ ନାନା ପାଟେକର ଏବଂ ତାଙ୍କ ଟିମ ଏଭଳି ଗୁଜବ ପ୍ରଚାର କରୁଥିବାର ଅଭିଯୋଗ ଆଣିଛନ୍ତି ତନୁଶ୍ରୀ ।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ଅନୁଯାୟୀ, ଯୌନ ଶୋଷଣ ମାମଲାରେ ନାନା ପାଟେକରଙ୍କୁ କ୍ଲିନ ଚିଟ୍ ମିଳିଥିବା ନେଇ ମିଡିଆରେ ଯେଉଁ ଚର୍ଚ୍ଚା ଆରମ୍ଭ ହୋଇଛି, ତାହା କେବଳ ଏକ ଗୁଜବ । ମୁଁ ସ୍ପଷ୍ଟ କରୁଛି କି, ମୁମ୍ବାଇ ପୁଲିସ ଏଭଳି କୌଣସି ବୟାନ ଦେଇ ନାହାନ୍ତି । ଏହି ମାମଲାକୁ ନେଇ ଏବେ ଯାଞ୍ଚ ଚାଲିଛି । ମୋର ଓକିଲ ଏ ନେଇ ଖୁବ୍ ଶୀଘ୍ର ଏକ ସାମ୍ବାଦିକ ସମ୍ମିଳନୀ ଡ଼କାଇବେ ବୋଲି କହିଛନ୍ତି ତନୁଶ୍ରୀ ।