ସଲମାନଙ୍କ ପାଇଁ ବଲିଉଡ୍ରେ ଏଣ୍ଟ୍ରି ମିଳିଥିବା କଥାକୁ ଅସ୍ୱୀକାର କଲେ ଅଭିନେତ୍ରୀ ମୌନୀ ରଏ, କିଛି ଏମିତି ଥିଲା ତାଙ୍କ ଜବାବ୍
ମୁମ୍ବାଇ : ଧାରାବାହିକ ‘ନାଗିନ୍’ରେ ଅଭିନୟ କରି ଚର୍ଚ୍ଚିତ ହୋଇଥିବା ଅଭିନେତ୍ରୀ ମୌନୀ ରଏ ଏବେ ବଲିଉଡ୍ରେ ପାଦ ରଖିଛନ୍ତି । ତାଙ୍କ ଅଭିତୀତ ପ୍ରଥମ ଫିଲ୍ମ ‘ଗୋଲ୍ଡ’ ଏବେ ରିଲିଜ୍ ଅପେକ୍ଷାରେ। ଏହି ଫିଲ୍ମରେ ତାଙ୍କ ସହ ସ୍କ୍ରିନ୍ ସେୟାର କରିଛନ୍ତି ଅକ୍ଷୟ କୁମାର । ତେବେ ଫିଲ୍ମକୁ ନେଇ ସେ ଯେତିକି ଚର୍ଚ୍ଚାରେ ନାହାନ୍ତି ତା’ଠାରୁ ବଲିଉଡ୍ରେ ଏଣ୍ଟ୍ରିକୁ ନେଇ ଅଧିକ ଚର୍ଚ୍ଚିତ ଅଛନ୍ତି ବୋଲି ଜଣାପଡ଼ିଛି । ବଲିଉଡ୍ରେ ଫିଲ୍ମ କରିବା ପରେ କିଛି ଲୋକ ସଲମାନଙ୍କ ପାଇଁ ଏହା ସମ୍ଭବ ହୋଇଥିବା କହିବା ଆରମ୍ଭ କରିଥିଲେ । ତେବେ ଫିଲ୍ମର ପ୍ରମୋସନ ସମୟରେ ସେ ଏହାକୁ ଅସ୍ୱୀକାର କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ମୌନୀ କହନ୍ତି, ‘ଫିଲ୍ମ ମୋତେ କେମିତି ମିଳିଛି ତାହା ଆପଣଙ୍କୁ ଫିଲ୍ମ ପ୍ରଯୋଜକ ରିତେଶ ସିଧ୍ଓ୍ଵାନି ହିଁ କହି ପାରିବେ । କିନ୍ତୁ ମୁଁ ଆପଣଙ୍କୁ କହି ରଖୁଛି କି ମୋର ବଲିଉଡ୍ରେ ପ୍ରବେଶ କରିବାରେ ସଲମାନଙ୍କର କୌଣସି ହାତ ନାହିଁ । ୧୦ବର୍ଷ ଅଭିନୟ କରିବା ସହ ମୁଁ ଜଣେ ବଙ୍ଗୀୟା ହିସାବରେ କ’ଣ ପରଦାରେ ବଙ୍ଗୀୟା ଚରିତ୍ର କରି ପାରିବି ନାହିଁ । ମୁଁ ସଲମାନଙ୍କର ଜଣେ ବଡ଼ ପ୍ରଶଂସକ । କିନ୍ତୁ ତା’ମାନେ ନୁହଁ କି ତାଙ୍କ ନାଁକୁ ବ୍ୟବହାର କରି ମୁଁ ଫିଲ୍ମ କରିବି । ମିଡ଼ିଆ କେବେ ହେଲେ ମୋ ଅଭିନୟ ଏବଂ ଭାବମୂର୍ତ୍ତିକୁ ଭଲ ଭାବରେ ଦେଖାଇ ନାହିଁ।’